Andreas Luiken

Andreas Luiken (* 10. Februar 1925 in Minsen, Amt Jever; † 9. Januar 2012) weer en düütsch Politiker (CDU). He weer van 1973 bit 1990 Afordneter in den Landdag vun Neddersassen.

Leven

Luiken hett de Mittlere Riep makt un hett sück dornah as Kriegsfreewilliger för den Tweeten Weltkrieg meld. Dor weer he as Floogtüchführer insett un weer Hauptmann vun de Reserve. Nah den Krieg hett he van 1945 bit 1950 en Beropsutbillen makt un weer siet 1950 sülvständig Buer. 1957 is he de CDU bitreden. He weer todem as Rudolf Garlichs Liddmaat vun den Upsichtsraat vun de Wahnungsbausellschopp Friesland. Siet 1964 weer Luiken Ratsherr un van 1966 bit 1984 Börgermeester vun de Gemeend Wangerland. Wiels disse Tiet truck he an' 20. Februar 1973 eerstmals in den Landdag vun Neddersassen in, as he över de Landslist vun de CDU in de söbente Wahlperiood nahrücken dee. Luiken truck ok bi de nächst Landdagswahlen in den Landdag in, den he bit to dat Enn' vun de elfte Wahlperiood an' 20. Juni 1990 anhörrn dee. In de letzt Wahlperiood weer Luiken Schriftführer vun den Neddersassischen Landdag. Buterdem weer he siet 1975 Vörsitter vun den Ünnerutschuss „Fremdenverkehr“ vun den Utschuss för Wertschap un Verkehr un bleev dat bit to sien Utscheeden.

Utteknungen

• För sien Verdeenste kreeg he 1983 dat Bundsverdeenstkrüüz.

Literatur

• Barbara Simon: Abgeordnete in Niedersachsen 1946–1994: Biographisches Handbuch, 1996, S. 244.