Almuth Schult

Vun Wikipedia
Almuth Schult

Almuth „Alma“ Schult (* 9. Februar 1991 in Dannenbarg) is en düütsche Doorhöderin in’n Froonfootball. Se is Maat von de Düütsche Footballnatschonalmannschop von de Froonslüüd bi de Football-Weltmeesterschop von de Froonslüüd 2011.

Almuth Schult is in Lomitz opwussen un mit fiev Johr bi’n FC SG Gartow in’t Wendland anfungen, Football to spelen.[1] 2007 is se na’n Hamborger SV gahn. 2008 is se ut persönliche Grünn na Stendal trocken un hett denn in de Regionalliga bi’n Meideborger FFC speelt. Dor kunn Schult en Stammplatz winnen un is 2009 mit’n Vereen in de 2. Bundsliga Noord opstegen. 2010 hett se ehr Abitur maakt. To de Saison 2011/12 schall Almuth Schult för den Bundsliga-Vereen SC 07 Bad Neuenahr spelen.

Mit de düütsche Ü-20-Natschonalmannschop hett se bi de Ü-20-WM 2010 in Düütschland wunnen un bi de Ü-17-WM 2008 in Neeseeland den drüdden Platz maakt. Almuth Schult hett ok mit de Ü-19-Natschonalmannschop bi dat EM-Turnier 2010 in Mazedonien mitmaakt un hett dor mit ehr Mannschop in’t Halvfinaal gegen Frankriek na Verlängerung un Ölvenmeterscheten verloren.

Bi de Europameesterschap 2013 in Schweden, stunn se ok in' Kader, keem aber nich to'n Insatz.

Spood[ännern | Bornkood ännern]

  • 3. Platz Ü-17-Weltmeesterschop 2008
  • Opstieg in de 2. Bundsliga Noord 2009
  • Halvfinaal U-19-Europameesterschop 2010
  • Ü-20-Weltmeesterin 2010

Footnoten[ännern | Bornkood ännern]

  1. Volksstimme von’n 10. Juli 2010, afropen an’n 12. Juni 2011

Weblenken[ännern | Bornkood ännern]