Albert Leister

Vun Wikipedia

Albert Leister (* 25. Mai 1890 in Mühlhausen; † Enn 1968 in Bonn)[1] weer en düütschen Politiker von de NSDAP.

Leister is 1890 in Mühlhausen boren. Na de Volksschool hett he en Lehr as Koopmann maakt un hett denn as Anstellten arbeidt. Von 1910 bet 1912 weer he Soldaat in de kaiserliche Armee un hett von 1914 bet 1915 Deenst in’n Eersten Weltkrieg daan. An’n 3. Juni 1915 is he verwunnt worrn un hett sien rechten Foot verloren. Nadem he ut de Armee rut is, is Leister koopmännschen Anstellten bi Behörden worrn. Von 1917 af an harr he dat Leid över de Kriegsweertschop in’n Kreis Neenborg.

An’n 1. Juli 1924 is Leister Baas von de Kreiskommunalkass von’n Kreis Neenborg worrn. Leister weer Maat in de NSDAP, wat dor to föhrt hett, dat 1930 en Disziplinarverfohren gegen em inleidt worrn is.

Von September 1930 bet November 1933 weer Leister för den Wahlkreis 16 (Süüdhannover-Bruunswiek) Afornten von de NSDAP in’n Düütschen Rieksdag. Von 1933 bet 1936 weer Leister Regerungspräsident von’n Regerungsbezirk Stood.

Na de düütsche Besetzung von Polen weer Leister von September bet November 1939 Stadtkommissar in Lodsch. An’n 1. April 1943 is he in’n Rohstand versett worrn.

Footnoten[ännern | Bornkood ännern]

  1. Joachim Lilla: Statisten in Uniform.