Alabama (Volk)

Vun Wikipedia

De Alabama (ok Alibamu) sünd en Indianerstamm ut de Muskogee-Spraakfamilie. As se dat eerste Mal up witt Kolonisten dropen, levten se an de Böverloop vun de Alabama-River vör allen in de hüdige Bundsstaaten Alabama, Florida un Oklahoma. Der Naam bedüüd: Hier woont wi.

Die Alabama ünnerdeelen sück in de Tawasa un de Pawokti.

Historie[ännern | Bornkood ännern]

De Alabama hebbt sück mit de eerste franzöösch Kolonialisten anfrünnt. 1717 hebbt de Franzosen up de Alabama ehr Land Fort Toulouse erricht. Liekers keem dat dornah to Wannerbewegungen. Af 1736 sünd vööl Alabama in den Westen (Louisiana) trucken. De, de an Oort un Stee bleven, hebbt denn tosommem mit de Muskogee tegen die USA streden. Se hebbt denn aber 1784 in den Verdrag vun Fort Jackson ehr ganz Land verloren. De meest Alabama sünd denn mit de Muskogee nah Oklahoma trucken, wo ehr Nahkommen noch hüdtodag leven.

Inwahnertall[ännern | Bornkood ännern]

Iberville hett 1702 schätzt, dat 400 Familien vun de Alabama in twee Dörper leven. De engelsch Zensus tell 1715 770 Alabama. För 1832 wurrd de Bevölkerung mit 321 angeven, man se hebbt de Alabama, de nah Louisiana trucken weern, nich mittellt. De US-Zensus von 1910 gifft 187 Alabama in Texas un 111 in Louisiana an. Nah de Zensus van 1990 sproken vun 500-600 Alabama noch 256 ehr traditschonell Spraak.

Bedüden[ännern | Bornkood ännern]

Nich blots de Stroom Alabama River, sonnern ok de Bundsstaat Alabama wurrn nah dissen Stamm nömmt. Wieder henn gifft dat en Iesenbahnstation in Oklahoma mit dissen Naam un de Ortschaften Alabama City in Alabama und Alabam in Arkansas.

Literatur[ännern | Bornkood ännern]

  • John R. Swanton: The Indian Tribes of North America. Smithsonian Institution, Bureau of American Ethnology, Bulletin 145, Smithsonian Press, Washington D.C., 1969

Kiek ok[ännern | Bornkood ännern]