Överneeland

Stadtdeel vun Bremen Överneeland

Wat to seggen is		Rang
Flach:	18,44 km²	6/23
Inwahners:	12595	18/23
Inwahnerdicht:	683 Inwohners/km²	18/23
Andeel Butenlänners:	5,3 %	20/23
Arbeitslosenquoot:	9,7 %	20/23
Wannehr:	Midde 2005
Website:	Oortsamt Överneeland
E-Mail-Adresse:	office@oaoberneuland.bremen.de

Överneeland is en vun de 19 Stadtdelen vun Bremen. He höört to'n Stadtbezirk Oost.

Korte Historie[ännern | Bornkood ännern]

To'n eersten Mol dükert de Naam vun Överneeland up in en Urkunn ut dat Johr 1181. Dor steiht wat vun Overnigelant und Rockwinkil to lesen. Rockwinkel is en annern Deel vun Överneeland. Dormols is en Verdrag mit Hollänners slaten wurrn över den Verkoop vun Öödland. Düsse Hollänner siedeln denn dor. För jem gull en besunner Recht, dat weer dat „Hollerrecht“. Up düsse Grundlaag is denn dat Dörp Överneeland wussen.

Vun de Karken warrt to'n eersten Mol in dat Johr 1270 vertellt. Man dat warrt seggt, se scholl woll üm 1200 boot wurrn weern. De driggt den Naam „St. Johann“, na Johannes den Döper. De eerste Karken weer en romaansche Dörpskark, man de is denn in de Midden vun dat 19. Johrhunnert afreten wurrn. Dor is denn 1860 de hüdige neegootsche Backsteenbo an ehr Steed treden.

Üm dat Johr 1614 rüm is de eerste Windmöhl in Överneeland boot wurrn. Dat weer dortiets en Bockwindmöhl. Later is dor denn en Hollännermöhl ut maakt wurrnn. 1840 weer düsse Möhl denn afbrennt, man 1848 stünn se wedder dor, as vördem. Hüdigendags is se en Wahrteken vun Överneeland. Vun 1970 af an deit se ehr Arbeit as Butenstell vun dat Focke-Museum in Bremen. De Utstellung „Vun'n Koorn to'n Broot“ is dor in tohuse.

In dat Johr 1874 is de Bahnhoff Överneeland an de Bahnstreck Hamborg-Bremen inwieht wurrn. Vun dor af an kemen jummers mehr Bremer Börgers to'n Utflog na Överneeland. De olen Bremer familien vun de Senaters un Kooplüde füngen al an't Enn vun dat 18. Johrhunnert an, si jem ehr Summerhüser in Överneeland to boen. Dor gifft dat hüdigendags unbannige Parkanlagen üm.

Hüdigendags[ännern | Bornkood ännern]

Överneeland is bekannt för sien börgerlich Milieu. Veel Prominenten wahnt dor un dat Inkamen vun de Inwahners vun düssen Stadtdeel liggt in'n Dörsnitt en deegt Stuck höger, as in all annere Stadtdelen vun Bremen.

Vun 1999 af an liggt de Middelwellen-Senner Bremen-Överneeland vun Radio Bremen in Överneeland.

Literatur[ännern | Bornkood ännern]

Hartwig Amman (Rutgever), Neue Blätter zur Geschichte des Kirchspiels Oberneuland, 1. Upl., Bremen 2000 ISBN 3-00-007108-3
Kurt Entholt, Oberneuland, Bremen, 1980 (3. Uplaag)
Kurt Lammek (Överarb.): Ortsteil Oberneuland, in: Hans-Christoph Hoffmann (Rutg.), Baudenkmale in der Freien Hansestadt Bremen (= Denkmaltopographie Bundesrepublik Deutschland, Bd. 3,6), Hu’e 1984 ISBN 3-88132-183-7

Weblinks[ännern | Bornkood ännern]

Överneeland up www.bremen.de (hoochdüütsch)
Oberneuland-Magazin (Online-Magazin vun dat Oortsamt Överneeland, hoochdüütsch)
Kirchengemeinde Oberneuland (Ev. Karkengemeende Överneeland) (hoochdüütsch)
Turnverein Oberneuland (Homepage vun den TV Överneeland) (hoochdüütsch)
Reit & Fahrverein Oberneuland (Homepage vun den RFVO in Bremen-Överneeland) (hoochdüütsch)

Bremer Stadtdelen un Oortsdelen