Alstea

Uut Wikipedia, de vrye encyklopedy
(döärstüürd vanaf "Alstae")
De kattelieke kearke St. Mariä himmelfahrt in Alstea
n Baanhof van Alstea

Alstea (Duuts: Alstätte) is n doarp in de gemeante Oahoes in de Duutse deelstaat Noordrien-Westfoaln. Ut lig eankelde kilometers oaver de Nederlaandse greanze, dichtbiej Buurse, ongeveer 10 kilometer noordwestelik van Oahoes.

Ut doarp lig an de Alsteaske Aa, wat as Oahoeser Aa begint en noa Alstea oavergeet in de Buurser Bek. Alstea lig an de Nederlaandse greanze en greanst an Hoksebarge en Eanske. Noast t doarp zölf umvat t ok de boerschopn Besslinghook, Brinkerhook, Alsteask Brook, Gerwinghook, Schmäinghook en Schwiepinghook.

Op ne öppervlakte van 34,65 km² wonn in 2005 5040 leu.

Ekonomie[bewark | bronkode bewarken]

Duur de eeuwn hen was laandbouw t gewichtigste melkbeestken vuur t doarp. Vanof ongeveer 1890 wördn duur de komst van oonder aandern twee tichelwearks, ne melkfabrieke en de baan Eanske - Oahoes nieje arbeidsplaatsn schaapn. In de joarn '60 warn völle vrouwleu oet Alstea te gaank in de tekstielindustrie, as wa in de fabriekn in Tweante as ok in de fabriekn in Gronauwe en Oahoes. Rechtervoorts bint roondum t doarp verscheidn industriegebeedn te veendn.

Geschiedenis[bewark | bronkode bewarken]

Ut doarp Alstea wördn al in 1151 officiëel neumd. Vanof 1297 hef t zien eign parochie. Ok de watermölle Haarmühle biej de greanze met Nederlaand wördn al in 1331 officiëel neumd. Ut gebouw van vandaag-an-n-dag is n monumeant en stamt oet 1619. Biej n bombardemeant op 22 meert 1945 wördn völle historiese gebouwn platpleerd. Eankelde doarvan, zooas de kearke en t spoorhoes, wördn niejs wier opbouwd.