Xaxe Venic

Vun Wikipedia
Zur Navigation springen Zur Suche springen

Xaxe Venic oder ok Kaxil Uinic weer en Dörp in’n Distrikt Orange Walk von dat Land Belize.

De Oort leeg in’n Westen von Belize, blots en poor Kilometer af von de Grenz na Guatemala.

Historie[ännern | Bornkood ännern]

De Oort is in dat 19. Johrhunnert von Mayas grünnt worrn, de vör’n Kastenkrieg ut Mexiko flücht sünd, nadem de Cruzob 1857 un 1860 den Oort Chichanha överfullen harrn.[1] De Oorwoold in dat Rebeed weer unbewahnt un is to de Tied ok von de Mahagoni-Holtfällers, de annerwegens in Brietsch-Honduras aktiv weren, noch kuum bruukt worrn.[1] Dorüm hebbt de Mayas dor Dörper grünnt (blangen Xaxe Venic ok San Jose Yalbac, San Pedro Siris un en poor lüttjere Dörper, de tohoop de Grupp von de „San Pedro Maya“ billt hebbt) un Bueree na dat Milpa-Verfohren bedreven.[1] Dat Land weer aver kort vörher dör dat Honduras Land Titles Act von 1858/1861 an de British Honduras Company (na 1878 Belize Estate and Produce Company, BEPCO) fullen, de dor Mahagoni fällen wull.[1]

1929 sünd de Inwahners von BEPCO verdreven un na San Jose Yalbac ümsiedelt worrn.[1][2]

De Naam von dat Dörp steiht ok för en Maya-Ruin, de toeerst 1928 von Frans Blom beschreven worrn is. Ok Eric Thompson hett 1931 de Maya-Ruin besöcht un dat Dörp verlaten vörfunnen.

Footnoten[ännern | Bornkood ännern]

  1. a b c d e Christine Kray, Minette Church, Jason Yeager: Designs on/of the Land. Competing Visions, Displacement, and Landscape Memory in British Colonial Honduras. In: Legacies of Space and Intangible Heritage: Archaeology, Ethnohistory, and the Politics of Cultural Continuity in the Americas. (Rutgevers: Fernando Armstrong-Fumero, Julio Hoil Gutierrez), University Press of Colorado, 2017, Sied 53ff.
  2. Brett A. Houk: The Curious Case of Kaxil Uinic. In: Journal of the Mesoamerican Archaeological Research Lab, Band 6, Harvst 2011, University of Texas at Austin