Woold (Kreis Sleswig-Flensborg)

Wapen/Flagg

Koort

Basisdaten

Inheemsch Naam:

Woold/Wohlde/Volde

Bundsland: Sleswig-Holsteen
Kreis: Sleswig-Flensborg
Amt: Kropp-Stapelholm

Flach:

14,43 km²

Inwahners:

506 (2024-12-3131. Dezember 2024)

Inwahnerdicht:

35,1 Inwahners pro km²

6 m över de See

24899

04885

Koordinaten:54° 24′ N, 9° 18′ O54° 24′ N, 9° 18′ O

Grenzen bi OSM:

1157657

Gemeenslötel:

01059096

Websteed:

http://www.wohlde.de/

Woold (hoochdüütsch Wohlde, däänsch Volde) is en Gemeen in de Landschop Stapelholm in de Kreis Sleswig-Flensborg in Sleswig-Holsteen.

Geographie

Woold liggt in de Landschop Stapelholm op en langstreckt un mit Woold bedeckt Geesteiland, en Holm, in de ehmaals morige siede Land twüschen de Eider, Treen un Sorg.

Geschicht

De Oort, de fröher „in de Wold“ heet, stünn 1426 dat eerste Maal in der Oorkunnen.

In dat Gemeenrebeet liggen de Holmer Schanz, de 1626 dör de Gottorper Hartog Frederik III. buut wurrn is un to de Bollwarken vun dat Slott Gottorp höört.

Vun’n 1. Dezember 1905 bet 1950 harr Woold en Bahnanslutt dör de Deelstreck Sleswig Staatsbahnhoff – Friesstadt Kreisbahnhoff vun de Sleswiger Kreisbahn. De Personenverkehr wurr op de 1. Februar 1934 instellt un na de Twete Weltkrieg bet to de 13. Mai 1950 kort wedder opnahmen.

Wapen

Blasonerung: „In Gröön dree sülvern Bööm in de Stand1 : 2, dorünner twee sülvern Bülgenbalken.“^[1]

De Woold in dat Gemeenrebeet geven de dree Bööm wedder. De Laag vun de Oort op en Holm warrt dör de Stand vun de Bööm andüüdt. Fröher kunn en in Stapelholm Dörpen bloots op disse „Holmen“ anleggen. De twee sülvern Bülgenbalken wiest op de Strööm Treen un Sorg hen.

Wertschop un Infrastruktur

De Gemeen is dör de Bueree präägt.

Dör Woold leep de 1905 opmaakt Streck Sleswig–Friesstadt vun de Sleswiger Kreisbahn. De Personenverkehr op de Afsnid Woold–Friesstadt wurr 1934 instellt. Vun 1942 an wurr disse Deelstreeck afbuut, na dat ok de Göderverkehr ophöört harr. 1950 wurr ok de Afsnitt Hollensteed – Dörpsteed – Woold afbuut.

Vundaag fohren warkdaags de Buslien 1512 vun de Verkehrsbedrieven Sleswig-Flensborg un verbinnen Woold mit de Bahnhoff Sleswig an de Bahnstreck Flensborg–Niemünster un mit de Bahnhoff Friestadt an de Marschbahn.

Persöönlichkeiden

Christa Heise-Batt (* 1937), plattdüütsche Schrieversch un Theaterschauspelersch

Trivia

De Gemeen Woold weer de Dreihoort vun verscheden Films: 1973 för de Tatort: Jagdrevier un de vun de Woolder sülvst organiseerten Dörpkrimis Kein schöner Tod und Kein schöner Tod II.