Wolfgang Rieck (Musiker)

Wolfgang Rieck (2015)

Wolfgang Rieck 2015 bi einen Uptridd in dei Kulturspieker Dörnt

Wolfgang „Hein“ Rieck (* 30. März 1953 in Rostock) is ein dütschen Lyriker, Singer un Ledermåker, dei ok Musik up Plattdütsch rutbrocht het.

Läwen

Wolfgang Riek wier von 1970 an musikålsch aktiv. 1969 bet 1971 för hei as Vullmatros op Hannelsschäp von de DDR. Denn studier hei Elektrotechnik an dei Universität Rostock. Hei wier Deil von dei Rostocker Singeklub KuBa, wo hei Joachim Piatkowski begägent is. 1975 begünn hei an dat Konservatorium Rostock, einen Vörgänger von dei Hoogschaul för Musik un Theater Rostock, eine Liehr in Sang un von 1976 an in klassiche Gitarr bi Friedhelm Steltner, de hei 1985 afslåten harr.

Von 1975 bet 1993 treed hei tauhop mit Joachim Piatkowski as dat Duo Piatkowski & Rieck up, dat, so as dei Dramaturg vun dat Volkstheater Rostock Hans-Joachim Theil dat anrögt harr, besünners Leder up Plattdütsch späl. Ierst wieren dat grotendeils traditschonelle Leder, man gau kemen Leder mit Text von de Rostocker Schriewersche Lisa Milbret un anner plattdüütsche Lyrik dortau. Mit Plattdeutsche Lieder un Utkiek kemen twee Amiga-Alben. 1991 keem de CD Old Meklenburg for Ever rut. Piatkowski het denn beslåten, dat hei siene Musikkarier upgäwen un lewer as Dokter arbeiden will.

Rieck måk von 1992 an mit dat Musikertrio Liederjan wieder, wo hei den platz von Edzard Wagenaar. Hei bleev bet 2001 in dei Band.

Hüd triddt Wolfgang Riek meist allein up un giwt Seminaren. Siene Konzert ümfåt hoogdütsche un plattdütsche Leder, dei hei deilwies sülwen schriwt un deilwies von anner Schriewer stammt. Hei büddt ok Kinnerprogramm an, so as Die Maus im Fernrohr. Dortau singt hei ok traditschonelle Wiehnachtsleder, Interpretatschonen von Ernst Barlach un egen Texten tau dat Thema.

In’n Dezember 2003 keem siene Solo-CD Alles muss sich wandeln mit 19 Gastmusiker rut.

2003 geew Rieck mit Jörg Kokott ene CD rut. Mit dei Berliner Musikersche Heike Kellermann stell vertoont Leder von Theodor Kramer vör un bröch mit eer ene CD rut.

För den Verlag Hinstörp het Rieck mit an einen Hürbauk na eine plattütsche Novell von John Brinckman arbeidt: Mottche Spinkus un de Pelz, de in dat jüüdsche Milieu von Güstrow in de Midd von dat 19. Johrhunnerd spält. 2016 keem sien Album Der singende Mann rut. För den Titel in dit Album Vergessne Helden kreeg hei den Liederpreis 2017.

Rieck spält Gitarr, Banjo, Fleut, Mundharmonika, Mandolin un Konzertina.

Pries

• 1979 (mit Joachim Piatkowski) und 1983 (mit dem „Liederzirkus“) Höövdpries bi den DDR-Chansondaag in Frankfort/Oder
• 1985 Kulturpries von dei Stadt Rostock (mit Joachim Piatkowski)
• 1986 Bad Bemsen-Pries (mit Joachim Piatkowski)
• 1988 Kulturpries von dei Bezirk Rostock (mit Joachim Piatkowski)
• 2003: Lederbestenlist för Alles muss sich wandeln
• 2017: Lederpries 2017 för Vergessene Helden
• 2020: Johannes-Gillhoff-Pries

Diskografie

Solo-CD

• Mottche Spinkus un de Pelz. Kabinettstück von dei plattdütsch Dichter John Brinckman – eine Geschicht ut den jüdschen Milieu von de Stadt Güstrow (Hürbauk)
• Peter Lurenz bi Abukir. Alles muss sich wandeln – 16 Lieder aus eigener Feder sowie vertonte Lyrik verschiedener Dichter (2003)
• Der singende Mann (2017)

CD mit Heike Kellermann

• Was solln wir noch beginnen (2006)

Kinner-CD

• Die Maus im Fernrohr – Leder un Lügenmärken von dei Seefohrt (2002)
• Adele-Ukulele – oder warum mit Musik alles besser geht (2007)
• Wir können alles werden (2014)

Duo Piatkowski & Rieck

• LP Plattdeutsche Lieder – traditionelle und eigene Lieder aus dem norddeutschen Sprachraum (1983)
• LP Utkiek – eigene plattdeutsche Lieder in aufwändigen, kunstvollen Arrangements (1987)
• CD Old Meklenborg for ever – 18 neue plattdeutsche Lieder, modern arrangiert, aus eigener Feder und von anderen Textautoren (1991)

DVD

• Lebens-Töne – ein professionell produzierter Film über den Sänger und Liedermacher Wolfgang Rieck

Literatur

• Jan Wielgohs: Rieck, Wolfgang. In: Wer war wer in der DDR? 5. Ausgabe. Band 2. Ch. Links, Berlin 2010, ISBN 978-3-86153-561-4.

Weblenk

• Literatur über Wolfgang Rieck in der Landesbibliographie MV
• Website von Wolfgang Rieck
• Musikalische Lesung
• Heike Kellermann, Wolfgang Rieck: Konzert- und Literaturprogramm nach Texten von Theodor Kramer