Wolfgang Mahnke

Wolfgang Mahnke (* 22. Februar 1937 in Malchin) is ein penschonierten Bioloog platdütschen Schrieber, dei up Mäkelborgsch Platt schrifft.

Läben

Mahnke würr 1937 in Malchin buren un måk 1956 an dei Oberschaul sien Abitur. Hei studier denn marine Biolgoie in Rostock. Von 1962 an arbeid hei an’n Institut för Hoogseefischerie in Marrn bi Rostock, ierst as wätenschoplich Mitarbeider un von 1973 bet 1991 as Bås von dat Afdeil för Fischeriebiologie. Al as Student un låter Wätenschopper fohr Mahnke in dei Tied von 1960 bet 1992 up verscheden Seereisen mit ünnerscheidlich Forsch- un Fangschäpen. Hei fohr besünners up den Fischerieforschschipp Ernst Haeckel, up den hei ok as Expeditschoonsbås wier. Nå siene Tied an’n Rostocker Institut för Hoogseefischerie wier Mahnke noch korte Tied an’n Institut för Seefischerie in Hamborg un güng 1993 in Penschoon.

Al in’n 1960er Johren wier Mahnke anfungen plattdütsche Gedichten un Geschichten tau schrieben. As hei in Penschoon wier, begünn hei von 1994 an as plattdütschen Schriever tau arbeiden. In sienen iersten Book Fischerie, Fischera, Fischerallala (2001) vertellt Mahnke Geschichten von sienen Seereisen. Väl anner plattdütsch Böker sünd folgt. 2012 keem dei Audio-CD Murd in't Hotel ruut, up dei hei sien eigen Geschichten vörläst. Mahnke schrifft Bidrääg’ för verscheiden Blädder, tau’n Bispäl eine plattdütsche Kolumm in dei Ostsee-Zeitung. Dortau is hei mit siene välen Läsåvends in Noorddütschland bekannt wurrn.

Von 2000 bet 2012 wier hei Vörsitter von de Bund Niederdeutscher Autoren, 2012 würr hei Ihrenvörsitter.

Pries

• 2003: Fritz-Reuter-Literaturpries för Fischerie, Fischera, Fischerallala. Geschichten von dei Hochseefischerie,
• 2016: Unkel-Bräsig-Pries,
• 2017: Språkpries von’n Land Mäkelnborg-Vörpommern,
• 2018: Johannes-Gillhoff-Pries för sien Gesamtwerk.

Wark

Böker

• Fischerie – Fischera – Fischerallala: Geschichten von dei Hochseefischerie. Khs-Verl. und Service, Stemhagen 2001, ISBN 978-3-933541-11-6
• Kiek eins! Sowat giwt in Meckelborg! Rimels un lütt Geschichten för jung & olt. Khs-Verl. und Service, Stemhagen 2001, ISBN 978-3-933541-15-4
• Von mall'n Kram un schnurrig Lüd: Rimels un lütt Geschichten för jung & olt. Khs-Verl. und Service, Stemhagen 2004, ISBN 978-3-933541-18-5
• In jed'ein Mand bläuhn anner Blaumen: Rimels för jung & olt. Khs-Verl. und Service, Stemhagen 2006, ISBN 978-3-933541-21-5
• Von Aap bet Zapp: Lütt zoo(platto)logisch Lexikon. Khs-Verl., Stemhagen 2007, ISBN 978-3-933541-23-9
• Upschnappt! Plattdeutsche Geschichten. Hinstörp, Rostock 2010, ISBN 978-3-356-01402-0
• Nägenklauk: Plattdeutsche Geschichten. Hinstörp, Rostock 2012, ISBN 978-3-356-01487-7
• Finstertalk: Plattdeutsche Geschichten. Hinstörp, Rostock 2013, ISBN 978-335-60160-1-7
• Lies orer Lut? Ein Läuschenbuch. Hinstörp, Rostock 2014, ISBN 978-3-356-01870-7
• Un wat is, wenn …? Plattdeutsche Geschichten. Hinstörp, Rostock 2016, ISBN 978-3-356-02057-1
• Wenn bi Storm noch fischt würd …: Plattdeutsche Seefahrtsgeschichten. Hinstörp, Rostock 2017, ISBN 978-3-356-02093-9
• Returkutsch: Plattdeutsche Geschichten. Hinstörp, Rostock 2019, ISBN 978-3-356-02233-9
• Väl maller kann ’t nich kamen! Plattdeutsche Geschichten. Hinstörp, Rostock 2020, ISBN 978-3-356-02328-2
• Blage Beern un rode Hoor: Plattdeutsche Kriminalgeschichten. Hinstörp, Rostock 2021, ISBN 978-3-356-02379-4
• Dei plattdütsche Urlaub: Plattdeutsche Geschichten. Hinstörp, Rostock 2023, ISBN 978-3-356-02442-5

Audio

• Murd in't Hotel: Wolfgang Mahnke liest seine besten Geschichten. CD (80 Min.), Hinstörp, Rostock 2012, ISBN 978-3-356-01528-7

Översett Wark

• Werner Holzwarth: Kleeorg un Kleeopatra: Ein Geschicht von’t Glück. Up Plattdütsch von Wolfgang Mahnke, Hinstörp, Rostock 2014, ISBN 978-3-356-01828-8

Kiek ook bi

• List vun plattdüütschen Schrievers

Weblenken

• Wolfgang Mahnke in de Datenbank Die niederdeutsche Literatur (hoogdüütsch)

• Mahnke, Wolfgang. In: hinstorff.de
• NDR 1 Radio MV – De Klönkist mit dem Schriftsteller Wolfgang Mahnke. 4. März 2022