William Forsyth Sharpe
William Forsyth Sharpe (* 16. Juni 1934 in Cambridge, Massachusetts) is en US-amerikaansch Wertschapswetenschapler.
Sharpe weer van 1961 bit 1968 Hoochschoolperfesser an de University of Washington in Seattle un van 1970 bit to sien Emeriteeren 1989 an de Stanford University’s Graduate School of Business.
Forschungsarbeiten
[ännern | Bornkood ännern]William Forsyth Sharpe kreeg 1990 gemeensam mit Merton Howard Miller un Harry Max Markowitz den Alfred-Nobel-Gedächtnispries för Weertschapswetenschapen för sien Forschungen up dat Rebeet vun de Priesbillenstheorie in’n Kapitalmarkt (Kapitalmarkttheorie). Sharpe is en vun de Mitbegrünner vun dat Kapitalgootpriesmodell (Vörlaag:EnS, afkört CAPM), en vun de bedüüdendst Kapitalmarktgliekgewichtsmodelle ünner Ungewissheit. He hett den Sharpe-Quotienten entwickelt, en Kenntaal to dat Meeten vun dat Rendite-Risiko-Verhältnisses (Performance) vun Kapitalanlagen, de Binomial-Methood to dat Bewerten vun Optschonen, de Gradient-Methood to dat Optimeeren vun de Vermögensallokatschoon (also de praktisch Ümsetten vun de Erkenntnisse ut de Portfoliotheorie), as ok de renditebaseert Analyse to dat Bewerten vun den Stil un de Performance vun Investmentfonds.
Böker un Publikatschonen
[ännern | Bornkood ännern]William Forsyth Sharpe hett söss Böker schreven. To sien bekanntst Warken hörrn Portfolio Theory and Capital Markets (McGraw-Hill, 1970 un 2000), Asset Allocation Tools (Scientific Press, 1987), Fundamentals of Investments (gemeensam mit Gordon J. Alexander un Jeffrey Bailey, Prentice-Hall, 2000) un Investments (ebenfalls gemeensam mit Gordon J. Alexander un Jeffrey Bailey, Prentice-Hall, 1999). Sien aktuellst Wark is Investors and Markets (2007).
Doröver herut hett he tallriek Artikel in ansehn wertschapswetenschaplich Tietschriften as Management Science, The Journal of Business, The Journal of Finance, Journal of Financial Economics, Journal of Financial and Quantitative Analysis, The Journal of Portfolio Management as ok Financial Analysts Journal herutbrocht.
Wiedere Verdeensten
[ännern | Bornkood ännern]Sharpe is ehmalger Präsident vun de American Finance Association. He is en Verwalter vun den AXA Rosenberg Investmentfonds un Liddmaat in den Upsichtsraat vun de Financial Engines, Inc.
Akademische Grade
[ännern | Bornkood ännern]William Forsyth Sharpe kreeg de Titel Ph.D., M.A. un B.A. in Wertschapswetenschapen vun de Universität Kalifornien in Los Angeles. Dorto is he Doctor of Humane Letters, Honoris Causa vun de DePaul Universität, Dokter Honoris Causa (Universität vun Alicante (Spanien)) un kreeg de UCLA Medal, de höchste Utteknungen vun de UCLA.
Veröffentlichungen
[ännern | Bornkood ännern]- Investors and markets. Portfolio Choices, Asset Prices and Investment Advice. Princeton University Press, 2007
- Märkte und Investoren. So treffen Sie mit der richtigen Portfolioauswahl die beste Investmententscheidung. FinanzBuch-Verlag, München 2008, ISBN 978-3-89879-273-8
Weblinks
[ännern | Bornkood ännern]- DNB-Katalog
- Indrag up de Sieden vun den Nobelpries (engelsch)
- William F. Sharpe up de Website vun de Stanford University (mit Levensloop)