Wikipedia:Grundprinzipien

De Grundprinzipien beschrievt de wichtigsten Richtlienen tohoopfaat in fiev Punkten:

	De Wikipedia is een Nakieksel: De Wikipedia schall bruukt warrn een Nakieksel optoboen un Weten un Fakten rund üm’t Allgemeenweten un de plattdüütsche Spraak, Kultuur un Region fasttoholen.
	Neutralität: De neutraal Standpunkt versöcht, Ideen un Fakten in ene Aard un Wies daartostellen, dat Lüüd, de gegen ene Idee sünd, un ook Lüüd, de för wat sünd, toleren köönt woans de Idee in de Wikipedia beschreven is. Dat Prinzip vun de Neutralität schall sik na Akzeptanz vun allemann richten; de schall dat bloot selten geven, ook üm dat männig Ideologien alle Standpunkten buten de egen Ansichten afleent. Daarüm schall de Afsicht ween, Artikels so to schrieven, dat alle Lüüd, de „ratschonaal denkt“ de Ansichten toleren köönt.
	Free Inhold: Wikipedia is een free Nakieksel. De Inhold staat ünner ene Lizenz, de dat verlöfft, de Texten wieder to bruken, wenn de Schriever nöömt warrt, un ünner glieken Bedingen to wieder to bruken. De Text vun de Wikipedia steit ünner de Creative Commons-Lizenz Attribution-ShareAlike 3.0 Unported, veel Text sünd ook noch tosätzlich lizenseert ünner de Wikipedia:GNU_Freie_Dokumentationslizenz, de Biller hebbt verscheden Lizenzen. Wenn Text un Biller verapenlicht warrt, de Oorhever avers nich tostimmt het, kann dat Projekt eernsthaftig in de Bredouille kamen. ohni d Erlaubnis vum Rächtinhaber
	Kene persöönlichen Angreep: De Bruker vun de Wikipedia kaamt uut verscheden Regionen, Kulturen un Länner un hebbt verscheden Ansichten. Ene saakliche, wenn mööichlig fründliche Ümgang schall de normale Toon ünner de Bruker ween. Wenn een Fehler maakt oder gegen Rgels verstöot schöolt de Annern eerstmaal daarvun uutgaan, dat allens good meent weer un as Hülp dacht weer.
	Laat di nich vun de Regels verjagen. Jeedenen kann in de Wikipedia mitschrieven, wat verännern, verbetern oder ruutstrieken. Maak di nich to veel Gedanken üm Fehler oder Regels, de du nich kennst.