Wedderstand (Boelement)
De Wedderstand (engelsch resistor) is een tweepolig passiv elektrisch Boelement. Dat Element realiseert enen ohmschen Wedderstand in elektrischen un elektronischen Schaltungen. Wedderstänn warrt to’n Bispeel bruukt:
- den elektrischen Stroom to begrenzen
- den elektrischen Stroom in ene Schaltung optodelen
- den elektrischen Stroom in ene Spannung ümtowanneln un em (indirekt) to meten
- de elektrische Spannung in ene Schaltung optodelen
- elektrische Energie in Warmsenergie ümtowanneln
En linearen Wedderstand (daarmang tellt alle Wedderstänn, mit enen Wedderstandsweert, in’n Ünnerscheed to nichlinearen Wedderstänn, vun den kenen wiederen Parameter afhängt) stellt enen elektrischen Stroom proportschonaal to de anleggt elektrische Spannung un ümkehrt in. He deent so as Stroom-Spannungs-Kunverter oder as Spannungs-Stroom-Kunverter.