Walter Zelinski

Walter Zelinski (* 4. Oktober 1948 in Elmshoorn, † 21. Dezember 2019) weer en düütschen Schoolmeester, Radiomoderater un plattdüütschen Schriever.

Leven

Na siene Schoolteid maak Waler Zelinski ene Leer as Heizungsmonteur in Hamborg. Daarna studeer he un is Schoolmeester worrn. Vun 1976 an bet to siene Penschoon 2012 ünnerricht he an de Samschool Trappenkamp, vundaag de Richard-Hallmann-School. Hier weer he vun 1989 an Schooldirekter.

Daarto het Zelinski bi NDR 1 Welle Nord arbeidt un schreev plattdüütsche Glossen över Sportthemen. 1997 begünn he dat Schrieven för de Radioreeg Hör mal ’n beten to. He bröch ok Böker un Höörböker mit plattdüütschen Kortgeschichten rut.

Walter Zelinski weer verheiraadt un Vadder vun ene Dochter.

Wark

• Wenn de Hahn kreiht op den Mist ...: ‚Hör mal ’n beten to‘-Geschichten, Verlag Michael Jung, Kiel 2000, ISBN 3-929596-86-5
• Von Quarkbüdels un anner Lüüd: ‚Hör mal ’n beten to‘-Geschichten, Verlag Michael Jung, Kiel 2004, ISBN 3-89882-034-3
• Andrea May und Michael Jung (Ruutgever) Wiehnachten steiht vor de Döör!, Autoren: Ines Barber, Udo Bielenberg, Anneliese Braasch, Ulli Brüchmann, Lotte Brügmann-Eberhardt, Heiko Gauert, Ubbo Gerdes, Günter Harte, Kerstin Kromminga, Wolfgang Sieg, Jasper Vogt, Falko Weerts und Walter Zelinski, Verlag Michael Jung, Kiel 2004, ISBN 3-89882-038-6
• Kümmt jümmers anners, as een denkt!: ‚Hör mal ’n beten to´-Geschichten‘, Verlag Michael Jung, Kiel 2006, ISBN 3-89882-063-7
• Beten scheev hett Gott leev!, Verlag Michael Jung, Kiel 2009, ISBN 978-3-89882-105-6

CD’s

• Walter Zelinski vertellt: `Hör mal'n beten to´-Geschichten (CD), Verlag Michael Jung, Kiel 2006, ISBN 3-89882-073-4

Kiek ok bi

• List vun plattdüütschen Schrievers

Weblink

• Walter Zelinski in de Datenbank Die niederdeutsche Literatur (hoogdüütsch)