Walle (Auerk)

Vun Wikipedia
Zur Navigation springen Zur Suche springen

Walle is en Oortsdeel vun de Kreisstadt Auerk in'n Landkreis Auerk in Oostfreesland.

De Oort is 1534 grünnt wurrn. Den Naam hett he kregen, vunwegen de Wallen, de dor, as annerwegens in Oostfreesland ok, in de Landschop to finnen sünd.

De Ploog vun Walle, de 1927 funnen wurrn is, stammt woll ut de Tiet üm 1000 v. Chr. rüm. He is de öllste Ploog, de bitherto in Europa funnen wurrn is un wiest dor up hen, dat' t al in düsse fröhe Tiet Wohnsteden in de Gegend geven hett.

De Originalploog steiht in Hannober in't Landsmuseum vun Neddersassen. Dor is avers en Kopie vun maakt wurrn, de kann een sik in dat Histoorsch Museum Auerk ankieken. An de Steed, wo de Ploog funnen wurrn is, steiht vun den 10. Dezember 1975 af an en Denksteen.


1805 hefft in Walle 147 Lüde leevt, 2006 weern dat 2550.