Vollsteed

Dit Woort hett noch annere Bedüden: kiek dorför ünner Vollsteed (Mehrdüdig Begreep).

Wapen/Flagg	Koort
Basisdaten
Kreis Noordfreesland
Flach:	6,18 km²
Inwahners:	193
Inwahnerdicht:	31,2 Inwahners pro km²
Postleettall:	25821
Vörwahl:	04671
Geograafsche Laag:	54° 37′ N, 9° 2′ O
Grenzen bi OSM:	1416730
Gemeenslötel:	01054146
Websteed:	https://www.amnf.de/gemeinden-stadt/vollstedt
Koort

Vollsteed (hoochdüütsch Vollstedt, däänsch Folsted, noordfreesch: Fåålst ^(ng.) ) is en Gemeen in de Kreis Noordfreesland in Sleswig-Holsteen.

Geografie

Geograafsche Lag

Dat Gemeenrebeed vun Vollstedt liggt in den Ooltmoränenrebeet vun de Naturruum Breedsteed-Husumer Geest dree Kilometer oosten vun de lütte Stadt Breedsteed. In de Oostdeel vun’t Gemeenrebeed flett de Beek Lütte Au na Noord, vörbi an de Stollbarg, na de Soholmer Au un watert so de grote Deel vun’t Gemeenrebeet af.

Gemeendelen

To de Gemeen höört blangen dat Dörp sülven ok Vollsteedfeld (hoochdüütsch Vollstedtfeld) un de Scheppelhoff (hoochdüütschen: Scheffelhof).

Navergemenen

Vollsteed grenzt in de Noordwesten an Sanebell, in de Noordoosten an Högel, in de Westen an Breeklum un in de Süden an Drelsdörp.

Geologie

Dat Gemeenrebeet vun Vollsteed is en Ooltmoränenrebeet un höört to de Sleswigsche Geest. Dat Rebeet is in de Saale-Komplex opkamen. In de Gemenen Sanebell um Breeklum westlich vun Vollsteed, staht de Endmoränenkeed noch wat höger op as in Vollsteed tohööcht. De Geologische Übersichtskarte von Schleswig-Holstein wiest dor en wichtige Gletscherrandlage ut disse Tiet na.

Geschicht

Histoorsch Börn an de westlich Ossenpadd

Op de 1. April 1934 wurr de Kaspellandgemeen Breeklum oplööst. All ehr Dörpschoppen, Dörpgemenen un Buerschoppen wurrn to sülvstännige Gemenen oder Landgemenen. Dorbi wurr ok Vollsteed en egenstännige Gemeen.

Religion

75 % vun de Inwahners sünd evangesch un 6 % kathoolsch. De Evangelschen höört to de Karkgemeen Breklum in’n Karkenkreis Noordfreesland vun de Evangeelsch-Luthersch Kark in Noorddüütschland. De Kathoolschen sünd de Parr St. Knud in Husum in’t Arzbischopdom Hamborg toornt. De neegst Filiaalkark is St. Marien in Breedsteed.

Wapen

De Blasoneren is: „Vun baven blaag un vun nerrn gröön, scheden dör en gollen Krüüz mit Balkens as Bülgens. In’t linke Böverfeld en sülvern Wulk un in’t rechte Nerrnfeld en sülvern Huussiluett.“

Weertschop un Infrastruktur

Vollsteed is vun öllers her vun de Buerie, besünners der Veehtucht präägt. Doran hett ok de Laag an den histoorschen westlichen Ossenpadd ehr Andeel.

As anner weertschoplich Stütt is hüüt de regenerative Energie mit enen Börgerwindpark dortokamen. Ok en Deel vun de Anlagen vun de Windpark Dree Meeden liggt op Vollsteder Gemeenrebeet.

Verkehr

Dör de Noorddeel vun’t Gemeenrebeet löppt de Landsstraat 12 vun Breedsteed na Wannerup. In de Navergemeen Sanebell geiht de Kreisstraat af un föhrt dicht an dat Dörp vörbi na Drelsdörp to.

De neegste Bahnanslutt is bi de Bahnhoff Breedsteed an de Marschbahn. Dor föhrtRegionalexpress-Lien RE 6 in’n Nahverkehrsverbund Schleswig-Holstein twischen den Bahnhoff Hamborg-Altno un den Bahnhoff Westerland. Siet August 2019 föhrt vun de Bahnhoff Breedsteed ut ok direkt en Roopbus na Vollsteed. De Bus föhrt över Dag meist in’n Twee-Stünnen-Takt.

Weblenken

Vollsteed. Mehr Biller, Videos oder Audiodateien to’t Thema gifft dat bi Wikimedia Commons.

• Gemeen Vollsteed bi dat Amt Middelnoordfreesland