Vörlaag:Hööftsiet/utwählt Artikel dissen Maand/nds-nl/2010-01
Stöppelhaene is een oogstdankfeest, of kleine viering, die aj vanolds hadden in Sallaand en de Graofschop Benthem nao ’t inhalen van de rogge. Nao een tiedlaank hard wark, as ’t graon vanof de akkers naor de boerderieje was ebrocht, wördden in kleine kring feest evierd, beveurbield mit euliekrappen of een flesse foezel. ’t Ni’jmoodse Stöppelhaenefeest viert ze sund 1951 elk jaor in Raolte in de leste volle weke van augustus. ’t Feest perbeert de olde oogstgebruken lèvendig te holden.