Vörlaag:Hööftsiet/utwählt Artikel dissen Maand/2013-08
Sylt is en düütsch Eiland, dat to Sleswig-Holsteen höört un vör de Noordsee-Küst liggt. Sylt höört to de Noordfrees’schen Eilannen un is sülvst mit en Flach vun ruchweg 99 km² dat gröttste Eiland vun disse Inselgrupp un dat veertgröttste Eiland vun heel Düütschland. Bekannt is Sylt för en utprägten Tourismus vunwegen de bedüdenen Kuröörd as Kampen oder Westerland, de feinen Stränn un de Laag in’t Watt. Liekers stellt de Noordsee ok en Gefohr dor, vunwegen dat Sylt – vör allen bi Stormfloten – jümmerto mit Landverlusten to kriegen hett. Mit dat Fastland is Sylt siet 1927 dör den Hindenburgdamm verbunnen, över de een mit de Iesenbahn fohren kann. En Stratenanbinnen na Sylt gifft dat dorgegen nich.