Vörlaag:Hööftsiet/utwählt Artikel dissen Maand/2009-08
Wien is en alkoholischen Drunk, de vun Wiendruven maakt warrt. Dorto warrt toeerst Sapp vun de Druven presst, de den vergährt warrt. Dat gifft vun’n Wien vele ünnerscheedliche Sorten, de ut ünnerscheedliche Wienplanten, de so nöömten Reevsorten, wunnen un deelwies ok mischt warrt. Indeelt warrt dorbi in Rootwien, de ut blaue Druven keltert warrt, un Wittwien, de ut helle Druven maakt warrt. Butendem gifft dat Roséwien, de sünners herstellt, deels aver ok ut Roden un witten Wien tosamenmischt warrt. Wien warrt al bannig lang drunken. Oorsprünglich keen de Wien ut Mesopotamien un breed sik denn över Ägypten na Grekenland un wieter ut. Vundaag warrt Wien in all Eerddelen anboet. Ok in Düütschland hebbt wi eenige Anborebeden.