Vörlaag:Hööftsiet/Utwählt Artikel
Utwählt Artikel
Theda (* 1432 in Oldersum; † 16. November 1494 in Greetsiel) weer van 1466 bit etwa 1480 Regentin vun de Rieksgrafschap Oostfreesland.
Theda Ukena weer de Enkelin un Arv vun den Hööftling Focko Ukena (storven 1436). Se wurr 1432 in Oldersum as Dochter vun Uko Fockena un Heba, de Dochter vun den Hööftling Lütet Attena vun Door'm, boren. Se weer vermootlich nah hör Grootmoder Theda von Reide, de eerst Fru vun Focko Ukena, nöömt. Hör Vader wurr noch in’n Juni 1432 umbrocht.
1455 wurr se de tweet Fru vun Ulrich I. ut dat Huus Cirksena, de siet 1464 Graaf vun Oostfreesland weer. Ut disse Ehe gungen van 1457 bit 1465 söss Kinner hervör: Heba, Gela, de latere Graf Enno I., Edzard I. – as Graaf vun Oostfreesland „de Grote“ nöömt, Uco un Almuth. Theda broch ünner annern Anspröök up Oldersum mit in de Ehe, wat den regeeren Hööftling Wiard von Oldersum düchtig swaak maken dee.
→ Mehr utwählt Artikels find sik in de Gallerie