Tracy Ann Panton

Vun Wikipedia
(wiederwiest vun Tracy Taegar-Panton)

Tracy Ann Panton (Tracy Taegar-Panton; * 17. April 1969) is en Politikerin ut Belize (UDP).

Leven[ännern | Bornkood ännern]

Tracy Taegar is 1969 boren.[1] Se hett Herbert Panton freet.[2] De beiden hebbt twee Kinner.[2]

Panton hett von 2004 bet 2006 an de University of the West Indies in Cave Hill (Barbados) studeert un dor en Master of Science in Business Administration maakt.[2] Tosätzlich hett se an de Florida International University en Bachelor of Science in Tourismusmanagement.[2] 2010 bet 2012 weer se ok Präsidentin von dat Rode Krüüz Belize.

Panton weer von November 1998 bet Dezember 2009 Direktersche von dat Belize Tourism Board un von April 2012 bet April 2015 Geschäftsföhrerin (CEO) von dat Ministerium för Tourismus, Kultur un Zivile Luftfohrt.

Politik[ännern | Bornkood ännern]

Panton weer bi de Parlamentswahl in Belize 2015 Kannedatin för de UDP in’n Wahlkreis Albert un hett sik mit 55,86 % von de Stimmen gegen Paul Thompson von de PUP dörsett. Dormit is se siet 2015 Afornte in dat Repräsentantenhuus von Belize.

Se is ünner Premierminister Dean Barrow an’n 9. November 2015 Staatsministerin för Investment un Hannel in dat Ministerium för Weertschopliche Entwicklung worrn.

Footnoten[ännern | Bornkood ännern]

  1. Belize Public Service Staff List 2014
  2. a b c d About the Minister, Belize Competition Project