Tootie Heath
Albert William „Tootie“ Heath (* 31. Mai 1935 in Philadelphia, Pennsylvania; † 3. April 2024 in Santa Fe, New Mexico[1]) weer en US-amerikaansch Jazzslagtüüchspeler.
Leven un Wirken
[ännern | Bornkood ännern]De jüngere Bröer vun Percy un Jimmy Heath truck 1957 nah New York City un hett dor mit Upnahmen bi John Coltrane un Nina Simone sien Plattendebüt geven. Ansluutend weer he (bis 1960) in de Grupp vun J. J. Johnson; 1960 weer he slagtüüchspeler in dat Art Farmer/Benny Golson-Jazztet, to hören up dat tweet Album Big City Sounds. 1961 speel he mit Cedar Walton un Reggie Workman, aber ok mit Bobby Timmons oder Julian Cannonball Adderley. 1965 truck he nah Stockholm. Vun dor ut speel he mit George Russell as ok Kenny Drew un Dexter Gordon, geev aber ok Konzerte mit Friedrich Gulda un mit Tete Montoliu.
1968 gung Heath weer torüch in de Verenigte Staaten, wo he tonächst as Slagtüüchspeler in dat Sextett vun Herbie Hancock arbeiten dee, mit den 1969 sien Album Kawaida entstunn; tüschen 1970 un 1974 hett he bi Yusef Lateef arbeit. 1974 nehm he mit Anthony Braxton un Kenny Drew in Kopenhagen up un bleev en Tiet lang in Europa. 1975 hett he sück de Grupp vun sien Bröers, The Heath Brothers, anslooten, weer dorneben aber ok siet 1978 Freelancer. He weer toletzt Baas vun The Whole Drum Truth, en Ensemble vun Jazzslagtüüchspelern, to dat Ben Riley, Ed Thigpen, Jackie Williams, Billy Hart, Charlie Persip, Leroy Williams un Louis Hayes tellen. Nah Tom Lord hett Heath bi 276 Sessions mitwarkt, toletzt noch 2023 mit Bo van de Graaf.[2]
Heath hett ok as Pädagoag arbeit, ünner annern up den Stanford Jazz Workshop. As Slagtüüchspeler hett Heath den diskreten, aber dynamischen Stil vun Kenny Clarke wiederentwickelt. 2021 wurr he mit den NEA Jazz Masters Fellowship uttekent.
Diskographisch Henwiesen
[ännern | Bornkood ännern]- Kawaida (O’Be Records, 1969)
- Kwanza (Muse Records, 1973), mit Curtis Fuller, Jimmy Heath, Kenny Barron, Ted Dunbar, Percy Heath
- Heath Brothers As We Were Saying (Concord Jazz, 1997)
- Philadelphia Beat (Sunnyside, 2014) mit Ethan Iverson, Ben Street
Weblinks
[ännern | Bornkood ännern]- DNB-Katalog
- Brotherly Jazz: The Heath Brothers DVD
- Albert Tootie Heath: 2021 NEA Jazz Master
- Tootie Heath bi Allmusic
- Tootie Heath bi Discogs
Enkeld Nahwiesen
[ännern | Bornkood ännern]- ↑ Nate Chinen: Nachruf. In: WRTI. 4. April 2024, afropen an’n 4. April 2024 (engelsch).
- ↑ Tom Lord: The Jazz Discography (Memento von’n 5. August 2021 in dat Internet Archive) (online, 4. April 2024)