Zum Inhalt springen

Three Dog Night

Vun Wikipedia

Three Dog Night weer en US-amerikaansch Rockband un van 1968 bit 1976 in de Originalbesetten aktiv.

De Grupp harr söben Liddmaaten, dorünner dree Singer (Danny Hutton, Chuck Negron un Cory Wells). De Gitarrenspeler weer Michael Allsup un Floyd Sneed speel Slagtüüch. An’n Bass weer Joe Schermie un de Keyboards wurrn vun Jimmy Greenspoon speelt. Die Band wurr vun Brian Wilson vun de Beach Boys fördert. De oorsprünglich Naam vun de Grupp weer Redwood, se hemm sück aber umnöömt, wiel se in en Artikel leest harr, dat austraalsch Aborigines in kolt Nächten mit hör Hunnen tosommen slaapen deen; in besünners kolt Nächten hemm se dree Hunnen bruukt, um sück warm to hollen.

Three Dog Night reck för de Musikverkööp in den USA 19 golden Schallplatten un twee Platin-Schallplatten. Se harr 21 Top-40-Hits.

Sie hett Songs vun Randy Newman (Mama Told Me Not to Come),[1] Laura Nyro (Eli’s Coming), Hoyt Axton (Joy to the World,[2] Never Been to Spain), Elton John & Bernie Taupin (Lady Samantha), John Lennon und Paul McCartney (It’s for You), Leo Sayer (The Show Must Go On) un Harry Nilsson (One) sungen. En groot Spood för de Band weer de Interpretatschoon vun den Hair-Klassiker Easy to Be Hard.

Midden vun de 1980er Johren düük de Grupp weer up, 2006 gung se sogor up Tour. Vun de Originalliddmaaten stunnen noch twee Singer (Cory Wells un Danny Hutton), ei Keyboarder (Jimmy Greenspoon) un en Gitarrist (Michael Allsup) up de Bühne. Ergänzt wurrn se dör en nee Bassisten (Paul Kingery) un en nee Slagtüüchspeler (Pat Bautz).

An‘n 11. März 2015 is Keyboarder Jimmy Greenspoon in dat Öller vun 67 Johren an Krebs storven.[3] In dat sülvig Johr folg hüm de 73-johrig Singer Cory Wells an‘n 20. Oktober in Dunkirk, New York.[4]. [5]

  • Stambler, Irwin: The Encyclopedia Of Pop, Rock And Soul. 3. överarbeit Uplaag, New York City, New York: St. Martin’s Press, 1989, S. 687 f – ISBN 0-312-02573-4.

Enkeld Nahwiesen

[ännern | Bornkood ännern]
  1. ↑ För mehr Informatschonen to dissen Titel kiek Bronson, Fred: The Billboard Book of Number One Hits. 3. Överarbeit un utwiet Uplaag, New York City, New York: Billboard Publications, 1992, S. 277.
  2. ↑ Bronson, Fred: The Billboard Book of Number One Hits. 3. Överarbeit un utwiet Uplaag, New York City, New York: Billboard Publications, 1992, S. 291
  3. ↑ Jimmy Greenspoon dead: Three Dog Night keyboardist loses cancer battle at 67. In: syracuse.com, afropen an’n 16. März (engelsch).
  4. ↑ US-Sänger Cory Wells 73-jährig gestorben. In: zeit.de. Die Zeit/AFP, 22. Oktober 2015, archiveert von dat Original am 7. März 2016.
  5. ↑ Floyd Sneed (22. November 1942 bit 7. Januar 2023) ut Kanada is 2023 storven. https://bestclassicbands.com/floyd-sneed-obituary-three-dog-night-drummer-1-29-23/
Three Dog Night. Mehr Biller, Videos oder Audiodateien to’t Thema gifft dat bi Wikimedia Commons.
Vun „https://nds.wikipedia.org/w/index.php?title=Three_Dog_Night&oldid=1041504“