Theophilus-Speel

Dat Theophilus-Speel is een middelsassisch geistlich Sing- un Schauspeelstück, dat op Markten un vör Karken opföhrt worrn is. Dat Stück vertellt de Geschicht vun den hilligen Theophilus vun Adana, de en Pakt mit den Düvel slütt. Man al gau rüüt Theophilus sien Frevel un wennt sik an de Goddesmodder, de daalstiggt un mit den Düvel üm de Seel verhannelt.

Dat Speel is in dree Handschriften överlevert, de in Trier, Wulfenbüttel un Stockholm liggt un uut de Tied twüschen 1430 un 1460 stammt. De oorsprüngliche Form vun de Stoff stammt uut dat 7. Jaarhunnerd un is wal ene greeksche Legenn.

De Trierer Handschrift (Signatuur Hs. 1120/128 4°), en Fragment mit twölf Sieden in hogen Formaat 29 × 10 cm, het ok Text mit Instruktschonen för de Schauspelers un Noten un för den Sang. Se keem 1806 uut de Bibliotheek vun de Eddelfamilie Manderscheid-Blankenheim in de Stadtbibliotheek Trier. Die Wulfenbüttelsch Handschrift (Hartog August Bibliotheek, Signatuur Cod. 1203 Helmst.), is ene Sammelschrift in de Format 14 × 10 cm un is ene Leesuutgaav. De Stockholmer Handschrift (Königliche Bibliotheek, Signatuur Cod. Vu 73) is ook enne Sammelhandschrift.

Literatuur

Robert Petsch (Ruutgever): Theophilus. Mittelniederdeutsches Drama in drei Fassungen (= Germanische Bibliothek. II,2). Heidelberg 1908.
Rolf Bergmann: Aufführungstext und Lesetext. Zur Funktion der Überlieferung des mittelalterlichen geistlichen deutschen Dramas. In: The theatre in the middle ages. Löwen 1985.
Volker Krobisch: Die Wolfenbütteler Sammlung (Cod. Guelf. 1203 Helmst.): Untersuchung und Edition einer mittelniederdeutschen Sammelhandschrift (= Niederdeutsche Studien. Band 42). Köln, Weimar, Wien 1997, S. 322–341.
Andre Schnyder: Das mittelniederdeutsche Theophilus-Spiel: Text – Übersetzung – Stellenkommentar (= Quellen und Forschungen zur Literatur- und Kulturgeschichte. Band 58). de Gruyter, Berlin 2009, ISBN 978-3-11-022148-0.

Weblenken

Trierer Theophilus-Speel (Hs 1120/128 4°) in de Schattkamer. Bibliotheek Trier / Stadtarchiv, afropen an’n 3. März 2025.
Stefanie Braun: Der ewige Bestseller. 26. März 2018, afropen an’n 3. März 2025.
'Theophilus'-Spiel. In: Handschriftencensus. Afropen an’n 3. März 2025.