The Last Dinner Party
_(53120163431).jpg)
The Last Dinner Party is en britische Rockband ut London. 2024 harrn se hör internatschonalen Dörbröök mit hör Debütalbum Prelude to Ecstasy.
Bandgeschichte
[ännern | Bornkood ännern]2020 hemm de dree Studentinnen Abigail Morris (Gesang), Lizzie Mayland (Gitarr un Gesang) und Emily Jane Roberts (Lead-Gitarr, Mandoline un Fleut) beslooten, en gemeensam Band mit den Naam „The Dinner Party“ to grünnen. Noch bevör se ehrn eersten Upträe harrn, hemm se de Band um de Bassistin Georgia Davies un Keyboarderin Aurora Nishevci utwiet. Later hemm se „Last“ in hör Bandnaam toföögt, um en Verwesseln mit de US-amerikaansch Band Dinner Party to ümgahn. Wegen de COVID-19-Pandemie kunnen se eerst 2021 apenlich uptreeden. Bold dorup wurrn se vun dat sülvig Management betrüüt as Metallica un de Red Hot Chili Peppers.[1] Se wurrn London gau bekannt un funnen in Island Records en Label. Bi den BST Hyde Park hemm se 2022 in dat Vörprogramm vun de Rolling Stones un 2023 bi Lana Del Rey speelt. In dat sülvig Johr sünd se ok bi dat Glastonbury Festival uptreeden.[2]
Hör eerst Single Nothing Matters, produzeert vun James Ford, hemm se in’n April 2023 herutbrocht.[3] Wiedere Songs un de Ankünnigen vun hör Debütalbum folgten. In‘n Dezember wunnen se den Rising-Star-Award, den Talentpries vun de BRIT Awards. Ok bi de BBC-Umfraag Sound of 2024 to de völverspreekend tokünftig Musikern keemen se Anfang 2024 up Platz 1, woruphen hör Debütsingle in de britischen Charts insteeg. An‘n 2. Februar 2024 keem mit Prelude to Ecstasy dat eerste Studioalbum vun The Last Dinner Party herut. So to mal hemm se dormit Platz 1 in de britisch Charts reckt. In völ anner Länner reck dat ok för de Top-10. För Album un Single wurrn se mit Gold uttekent. Bi den BRIT Awards 2025 wunnen se in de Kategorie „Best New Artist“.
An‘n 17. Juli 2025 keem de Single This Is the Killer Speaking herut, an’n nächsten Dag wurr in den Sozialen Medien dat tweet Album vun de Band From the Pyre ankünnigt.[4][5]
Stil
[ännern | Bornkood ännern]Musikalisch beeden The Last Dinner Party Glam Rock mit Art-Rock-Inflooten un erinnern mitünner an Kate Bush,[6] Siouxsie and the Banshees,[7] Roxy Music,[8] David Bowie,[9] ABBA,[10] Queen,[11] Sparks,[7] un Florence and the Machine.[12]
Utteknungen
[ännern | Bornkood ännern]Borns
[ännern | Bornkood ännern]- ↑ Vanja Kadic: The Last Dinner Party sind grosses Rock-Drama: «Wir haben uns selbst die perfekte Band ausgedacht». 22. Mai 2024, afropen an’n 26. September 2024.
- ↑ The Last Dinner Party: Who are the BRITs Rising Star and Sound Of... 2024 winners?, George Griffiths, Official Charts, 8. Dezember 2023
- ↑ The Last Dinner Party Have Arrived, Dork, 19. April 2023
- ↑ Spotify. Afropen an’n 19. Juli 2025.
- ↑ Instagram. Afropen an’n 19. Juli 2025.
- ↑ "The Last Dinner Party", Rolling Stone, 30. Juni 2023
- 1 2 "A phenomenally exciting new band: The Last Dinner Party, at Camden Assembly, reviewed, Spectator, 3. Mai 2023
- ↑ "The Last Dinner Party win BBC Radio 1's Sound Of 2024", BBC, 5. Januar 2024
- ↑ "Meet The Last Dinner Party, who might just be your favourite new band", Rollingstone, 20. April 2023
- ↑ "Album Review: Prelude To Ecstasy - The Last Dinner Party". Hot Press. 2. Februar 2024
- ↑ "The best albums of 2024 so far", The Times, 28. Januar 2024
- ↑ "The Last Dinner Party win BBC Radio 1's Sound Of 2024", Timeout.com, 5. Januar 2024
Weblinks
[ännern | Bornkood ännern]
The Last Dinner Party. Mehr Biller, Videos oder Audiodateien to’t Thema gifft dat bi Wikimedia Commons.
- Offizielle Homepage (engelsch)
- Last Dinner Party bi Official Charts (engelsch)
- The Last Dinner Party bi Allmusic (engelsch)