Magellan-Bootaante

Vun Wikipedia
(wiederwiest vun Tachyeres pteneres)
Zur Navigation springen Zur Suche springen
Magellan-Bootaante; Grote Bootaante
Magellan-Bootaanten in den Zoo vun Köln
Systematik
Ünnerstamm: Warveldeerten (Vertebrata)
Klass: Vagels (Aves)
Ornen: Gösevagels (Anseriformes)
Familie: Aantenvagels (Anatidae)
Ünnerfamilie: Halfgöse (Tadorninae)
Tribus: Merganettini
Geslecht: Bootaanten
Oort: Magellan-Bootaante
Wetenschoplich Naam
Tachyeres pteneres
Forster, 1844

De Magellan-Bootaante oder Grote Bootaante (Tachyeres pteneres) is en Vagel ut Süüdamerika. He höört to dat Geslecht vun de Bootaanten (Tachyeres) un weert na de Systematik vun de Vagels to de Halfgöse torekent. Se leevt in Füerland un könnt meist nich flegen. Annahmen warrt, datt dat hüdigendags noch 10.000 bit 100.000 vun düsse Deerter gifft. Man vunwegen dat grote Rebeet an de Küsten vun dat süüdliche Süüdamerika, wo de Vagel leven deit, is nich antonehmen, datt sien Bestand in Gefohr is.

Kennteken[ännern | Bornkood ännern]

Magellan-Bootaanten sünd bannig groot. Ehr Snavel is butt, de Been sünd stebig un de Steertfeddern sünd en beten na boven hen bagen. De Heken weegt bi 6 Kilogramm, de Seken sünd mit 4,1 Kilogramm düütlich minner swaar. .[1] De Snavel is orange, towielen up dunkern Grund. De Kopp is gries, enkelte Vagels hefft en witten Striepen over de Ogen hen. Bi’t Ankieken in de Natuur sünd se meist nich ut’neen to hollen vun de Falkland-Bootaanten, bloß man dat ehre Flunken bit na’n Steert henlangt.

Dor mol vun af, datt de Seken grötter sünd, verscheelt sik Waart un Aante nich sunnerlich. Vunwegen, datt se nich flegen deit, blifft se an de Waterkant dor, wo dat noog to freten gifft. Wie se sik vermehren doot, dor is nich veel over bekannt. Dat warrt dorvun utgahn, datt de Poore up Duer tosamen blievt un datt se nich ut ehr Revier wegtrecken deit.[2] De Brödeltied duert, as bi all Bootaanten, bi 30 Dage lang. Se leegt twuschen veer un seven Eier vun lehmbrune Farv. Utwussen sünd de Vagels, wenn se dree Johre oold sünd.

Belege, Literatur un Weblenken[ännern | Bornkood ännern]

Belege[ännern | Bornkood ännern]

  1. Kolbe, S. 165
  2. Kolbe, S. 169

Literatur[ännern | Bornkood ännern]

Weblenken[ännern | Bornkood ännern]

Commons-logo.svg Magellan-Bootaanten. Mehr Biller, Videos oder Audiodateien to’t Thema gifft dat bi Wikimedia Commons.