Symphonie (Landkreis Stood)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21723 | |
| Vörwahl: | 04141 | |
| Geograafsche Laag: | Koordinaten:53° 37′ N, 9° 30′ O53° 37′ N, 9° 30′ O | |
|
| ||
De Symphonie (hoochdüütsch Symphonie) is en lütten Oort bi Wöhrn in de Gemeen Hullern-Twielenfleet (Samtgemeen Lüh) in’n Landkreis Stood, Neddersassen.
Geografie[ännern | Bornkood ännern]
De Oort liggt direkt achtern Diek von de Swing an’n Westrand von Oolland. Dat Water ut dat Rebeed flütt över de Wöhrner Wettern na de Swing.
De Öörd ümto sünd Hörn in’n Noorden, Melau un Wöhrn in’n Oosten, Speersoort in’n Süüdoosten, dat Oollanner Veerdel un de Soltdoorsvörstadt von Stood in’n Süüdwesten, Schölisch in’n Westen un de Hoff Brocklosenbossel in’n Noordwesten.
Historie[ännern | Bornkood ännern]
De Symphonie weer en Gasthuus, dat vondaag aver dichtmaakt hett. Dat ole Gasthuus is denn ok för Montörkamern bruukt worrn. 2017 hett Manuel Nunez-Alvarez, de Geschäftsföhrer von Kurotec-KTS, de Gebüüd köfft.[1]
Verwaltungsgeschicht[ännern | Bornkood ännern]
De Oort hett vör 1852 to de Hauptmannschop Hullern in dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk, de 1932 Deel von’n Kreis Stood worrn is.
De Oort hett von öllers bi de Gemeen Hullern mit bihöört, de an’n 1. Juli 1972 mit de Gemeenreform in Neddersassen Deel von de Gemeen Hullern-Twielenfleet worrn is.
Inwahnertall[ännern | Bornkood ännern]
| Johr | Inwahners |
|---|---|
| 1848[2] | 1 Huus |
| 1. Dezember 1871[3] | 4 Lüüd, 1 Huus |
| 1. Dezember 1885[4] | 5 Lüüd, 1 Huus |
| 1. Dezember 1905[5] | 20 Lüüd, 2 Hüüs |
Religion[ännern | Bornkood ännern]
De Symphonie is evangeelsch-luthersch präägt un höört to dat Kaspel von de Wilhadi-Kark in Stood.
För de Kathoolschen is de Hillig-Geist-Kark in Stood tostännig.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Direkt an de Symphonie langs löppt de Landsstraat 111, de in’n Noorden na Bützfleet un Drochters geiht un in’n Süden twüschen Ottenbeek un Gothenborg an de Bundsstraat 73. Dat gifft aver keen direkte Opfohrt. De nächste Opfohrt liggt 2,5 Kilometer in’n Süden an de Krüzung mit de L 140, de in’n Süüdoosten na Oolland rin geiht.
De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so fiev Kilometer in’n Süden von de Symphonie an de L 111.
De nächste Bahnhoff is so bi dree Kilometer wied weg in’n Süüdwesten de Bahnhoff Stood an de Nedderelvbahn von Cuxhoben na Hamborg.
Footnoten[ännern | Bornkood ännern]
- ↑ Lena Stehr: Stader Unternehmer kauft Ex-Rocker-Domizil "Symphonie" in Hollern-Twielenfleth, Wochenblatt an’n 14. Juli 2017
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 143
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 139
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 149
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 92