Suurheid (Bremerhoben)

Vun Wikipedia
Wapen/Flagg Koort
Wapen unbekannt
Suurheid
Laag vun Suurheid in Düütschland
Basisdaten
Bundsland: Bremen
Gemeen: Bremerhoben
Stadtbezirk: Süüd
Flach: 3,01 km²
Inwahners:
Hööchd: 75 m över NN
Postleettall: 27574
Vörwahl: 0471
Geograafsche Laag:
Koordinaten:53° 31′ N, 8° 38′ O
53° 31′ N, 8° 38′ O
WeddewardenLehLeherheidMiddFischereehavenWulsdörpGeestmünnSuurheid (Bremerhoben)SchippdörperdammNeddersassenWerserNoordseeStadtbreemsch Överseehavenrebeed
Laag von Suurheid (Bremerhoben) in Bremerhoben (Koort lett sik anklicken)

Karte

Suurheid (hoochdüütsch Surheide) is en Stadtdeel von Bremerhoben in dat Land Bremen.

Geografie[ännern | Bornkood ännern]

De Oort liggt op en Geestrügg, de twüschen twee Moorrebeden in’n Noordwesten un Süüdoosten liggt. Dat Water ut dat Moor in’n Noordwesten warrt över dat Geestmünner Markfleet na de Geest hen afföhrt. In’n Süüdoosten flütt dat Water över Gravens na de Rohr af. Na Süden to liggt dat Naturschuulrebeed Düllhamm.

De Naveröörd un -stadtdelen sünd Schippdörperdamm in’n Noorden, Schippdörp in’n Noordoosten, Apeler in’n Süüdoosten, Lox mit Hogeworth in’n Süden, Wulsdörp in’n Süüdwesten, Gröönhöben in’n Westen un de Börgerpark in’n Noordwesten.

Historie[ännern | Bornkood ännern]

Dat Rebeed von Suurheid hett fröher to dat Dörp Schippdörp tohöört. Dat weer en Heidrebeed. De Naam kummt wohrschienlich von Süderheid oder hett de sure Heid betekent, de för de Bueree nich veel driggt.

Hüüs stünnen dor aver bet in dat 20. Johrhunnert keen. Den Anfang as Stadtdeel hett Suurheid an’n 19. Dezember 1937 nahmen, as an’n Vielanner Weg de Grundsteen för de Otto-Telschow-Stadt (nöömt na Otto Telschow, den NSDAP-Gauleiter von’n Go Oosthannover) mit 175 Hüüs leggt worrn is. Dat Leid över dat Boprojekt harr de Niedersächsische Heimstätte. De Siedlers weren vör allen Arbeiders ut’n Fischereehaven un von de Warften un Seelüüd.

De Straten sünd na NS-Lüüd un na Öörd un Strööm ut Bayern un Öösterriek nöömt worrn. De Straten, de na NS-Lüüd nöömt weren, hebbt na’n Tweten Weltkrieg ne’e Naams kregen: ut’n Platz der Alten Garde is de Donauplatz worrn, ut de Arthur-Wiegels-Straat de Illerstraat, ut de Albert-Leo-Schlageter-Straat de Innstraat, ut de Dietrich-Eckart-Straat de Isarstraat un ut de Wilhelm-Gustloff-Straat de Lechstraat.

En egenstännigen Stadtdeel is Suurheid denn 1971 worrn.

Inwahnertall[ännern | Bornkood ännern]

Johr Inwahners
2001-00-002001 3.126
2005-00-002005 3.135
2014-09-3030. September 2014[1] 2.912

Religion[ännern | Bornkood ännern]

Suurheid is evangeelsch-luthersch präägt un billt siet 1968 mit de Opstahns-Kark en egen Kaspel.

För de Kathoolschen is de Hillig-Hart-Jesu-Kark in Geestmünn tostännig.

Kultur[ännern | Bornkood ännern]

Verenen[ännern | Bornkood ännern]

De Turn- un Sportvereen Suurheid is 1952 grünnt worrn.

Weertschop un Infrastruktur[ännern | Bornkood ännern]

De Beroopsfüürwehr Bremerhoben is för den Oort tostännig.

Verkehr[ännern | Bornkood ännern]

De wichtigsten Straten för Suurheid sünd de Vielanner Weg, de in’n Süüdwesten na Wulsdörp geiht, de Korlsweg in’n Westen na Gröönhöben un de Carsten-Lücken-Straat in’n Noorden na Schippdörperdamm. De Carsten-Lücken-Straat krüüzt de Poristraat, de in’n Westen an de Schippdörper Schossee ranlöppt un denn in dat Zentrum von Bremerhoben föhrt. In’n Oosten löppt de Poristraat na Schippdörp, warrt dor to de Kreisstraat 58, un geiht denn wieder na Sellst.

De nächste Autobahn is de Autobahn 27 (Afsnidd BremenBremerhoben). De Opfohrt 8 Geestmünn liggt an’n Noordwestrand von Suurheid an de Poristraat.

De nächste Bahnhoff is so bi twee Kilometer wied weg in’n Süüdwesten de Bahnhoff Wulsdörp an de Bahnlien Bremen–Bremerhoben, de ok an de Lien RS 2 von de Regio-S-Bahn Bremen/Neddersassen anbunnen is.

Scholen[ännern | Bornkood ännern]

De Kinner gaht na de Grundschool Suurheid, de siet 1940 besteiht. Dat gifft ok en Kita.

Literatur[ännern | Bornkood ännern]

  • Rosemarie Blum: 75 Jahre Surheide – Von der Siedlung zum Stadtteil. Bremerhoben 2012

Footnoten[ännern | Bornkood ännern]

  1. Statistischer Kurzbericht November 2014 von de Stadt Bremerhoben