Suriyakati-Klenner
De Suriyakati-Kalender, ook thailändsche Sunnenklenner, is dat Klennersysteem dat opstunns in Thailand begäng is. Dat Systeem het den gregoriaanschen Klenner as Grunndlaag’, bruukt man de buddhistsche Ära (BE), also de Tied sied dat Siddhartha Gautama doodbleven is, de Jaren to tellen. So sünd de Jaarstallen üm 543 grötter as in’n gregoriaanschen Klenner
De Köning Chulalongkorn (Rama V.) het den Klenner 1888 inföört. De Neejaarsdag weer daar eerst noch de 1. April. 1941 (2484 BE) het de thailändsche Premierminister dunntomalen Phibul Songkhram den Neejaarsdag op den 1.Januaar leggt, so dat’t Jaar 2483 BE alleen 9 Maanden lang weer.
| Monat | 1 | 4 | 7 | 10 | 1 | 4 | 7 | 10 | 1 | 4 | 7 | 10 | 1 | 4 | 7 | 10 |
| n. Chr. | 1939 | 1940 | 1941 | 1942 | ||||||||||||
| BE | 2482 | 2483 | 2484 | 2485 | ||||||||||||
Eer dat de Suriyakati-Klenner gull, weer dat offitschelle Klenner in Thailand de thailändsche Maanklenner, de ook vundaag’ noch för de buddhistschen Fierdaag’ wichtig is.
Klenner in Thailand hebbt vundaag’ faken beid Klennersystemen. De Jaarstall na de buddhistsche Ära is in thailändschen Ziffern schreven geschrieben, de gregoriaansche Jaarstall steit in araabschen un ook chineeschen Ziffern mit bi.