Stellingwarver Schrieversronte
De Stichting Stellingwarver Schrieversronte is en Organisatschoon för Taal un Literatuur up Stellingwarfs, so as ok Kultuur un Historie van de Stellingwarven. Mit um un bi 1.300 Leden is de Organisatschoon de grootste nederlandsk-nedersassisch Streektaalorganisatschoon in Nederland. De Stichting Stellingwarver Schrieversronte sitt in binnen de Gemeend Ooststellingwarf in dat Doörp Berkoop. De Organisatschoon is 1972 grünnt worden.
Warkrebeed
[ännern | Bornkood ännern]De Schrieversronte befaat sük alleen mit dat Stellingwarfs binnen de Provinz Freesland. Dat Stellingwarfs in Overiessel liggt in dat Rebeed van de Iesselakademie in Kampen, wiels dat Stellinwarfs van Drenthe in dat Huus van de Taol in Beilen versorget word. Alle dree Organisatschonen bünd Deel van SONT, de Bund van Streektaalorganisatschonen in dat Nedersassische Taalrebeed.
Publikatschonen up Stellingwarfs
[ännern | Bornkood ännern]De Stichting maakt verscheden Uutgaven van Stellingwarver Boken mögelk. Sowal för vullwassen Lüüd as ok för Kinners kommt jeed Jaar Titles ruut. De Stellingwarver Schrieversronte givt ok de Stellingwarfs Tiedschrift De Ovend ruut. Dat Blad kummt, sieddem dat de Organisatschoon grünnt worden is, in sess Uutgaven dat Jaar ruut.
Dat Stellingwarfs Woordenbook
[ännern | Bornkood ännern]Vanof 1975 het dat Instituut veur Stellingwarver tael en kultuur mit dat Nedersaksisch Instituut an de Rieksuniversität Grönnen, an de Uutgaav van een groot Stellingwarfs Woordenbook warkt. Na een jarenlang Anloop kwam 1994 de eerst Deel van dat Stellingwarfs Woordeboek ruut. Dat weer Deel II mit de Woorden van F bet K. 1997 keem de Deel III, van L bet R un 2001 Deel IV, van S bet Z. Toletzt keem 2004 Deel I mit de Woorden van A bet E.