Steern (Landkreis Oosterholt)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27729 | |
| Vörwahl: | 04748 | |
| Geograafsche Laag: | Koordinaten:53° 22′ N, 8° 52′ O53° 22′ N, 8° 52′ O | |
|
| ||
Steern (hoochdüütsch Steden) is en Dörp in de Gemeen Holste (Samtgemeen Hambargen) in’n Landkreis Oosterholt, Neddersassen.
Geografie[ännern | Bornkood ännern]
Dat Dörp liggt op de Oosterholter Geest. Dat Water ut dat Rebeed flütt över den Giehler Beek af, de annerthalv Kilometer in’n Süden von Steern langsflütt. An’n Noordwestrand von’n Oort liggt aver de Waterscheed to’n Ollendörper Beek un de Luun. En Stück in’n Noorden von dat Dörp liggt de Steerner See.
De Naveröörd sünd Helljes in’n Noorden, Kuhs-Siedlung, Kuhs un Nee Kuhs in’n Noordoosten, Giehl in’n Oosten, Giehlermöhlen un Vollerso in’n Süüdoosten, Wallhöben un Paddewisch in’n Süden, Hambargen un Lübbs in’n Süüdwesten, Ax in’n Westen un Ollendörp in’n Noordwesten.
Historie[ännern | Bornkood ännern]
De dree Hünengräver bi Steern sünd in de Jungsteentied anleggt worrn.
De Steerner See is 1975 bi’n Bo von de A 27 as Baggersee anleggt worrn un warrt vondaag vör allen as Baadsee bruukt.
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Kuhs in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1851 to de Huusvaagdie von dat Gericht Beverst tohöört un denn von 1851 bet 1859 to dat Amt Beverst. In dat Johr 1859 is de Oort in dat Amt Oosterholt wesselt, dat 1885 in’n Kreis Oosterholt opgahn is un sik 1932 mit’n Kreis Blomendal to’n hüdigen Landkreis Oosterholt tohoopslaten hett.
Steern un Paddewisch sünd 1928 in een Gemeen tohoopfaat worrn. De Gemeen is an’n 1. März 1974 mit de Gemeenreform in Neddersassen tohoop mit Helljes un Ollendörp Deel von de Gemeen Holste worrn, de ehren Naam von de Anfangsbookstaven von de dree Dörper hett (Helljes, Ollendörp, Steden).
Inwahnertall[ännern | Bornkood ännern]
| Johr | Inwahners |
|---|---|
| 1791[1] | 19 Füürsteden |
| 1812[2] | 80 |
| 1824[3] | 19 Füürsteden |
| 1848[4] | 109 Lüüd, 21 Hüüs |
| 1. Dezember 1871[5] | 122 Lüüd, 25 Hüüs |
| 1. Dezember 1885[6] | 95 Lüüd, 24 Hüüs |
| 1. Dezember 1905[7] | 123 Lüüd, 23 Hüüs |
| 1. Dezember 1910[8] | 122 |
| 1925[9] | 133 |
| 1933[9] | 231 |
| 1939[9] | 226 |
Religion[ännern | Bornkood ännern]
Steern is evangeelsch-luthersch präägt un höört to dat Kaspel von de Fabian-un-Sebastian-Kark in Beverst.
För de Kathoolschen is de Hillige-Familie-Kark in Oosterholt-Scharmbeek tostännig.
Kultur[ännern | Bornkood ännern]
Verenen[ännern | Bornkood ännern]
De Schüttenvereen Steern is 1924 grünnt worrn.
Weertschop un Infrastruktur[ännern | Bornkood ännern]
As freewillige Füürwehr is för Steern de Füürwehr Helljes mit tostännig.
Verkehr[ännern | Bornkood ännern]
In Steern draapt sik de Kreisstraten K 22 un K 23. De K 22 löppt in’n Westen na Ollendörp un dor an de Landsstraat 128 ran. De K 23 löppt in’n Noordwesten na Stubben un krüüzt dorbi de L 128. In’n Süüdoosten geiht de K 23 na Wallhöben an de Bundsstraat 74. De B 74 löppt in’n Noordoosten an Gnarrenborg langs na Bremervöör un in’n Süüdwesten na Oosterholt-Scharmbeek, Hu’e un Bremen-Noord. De L 128 föhrt in’n Noorden na Beverst an de B 71.
De nächste Autobahn is de Autobahn 27 (Afsnidd Bremen–Bremerhoben). De Opfohrt 13 Uthleer liggt so 20 Kilometer in’n Westen von Steern an de K 48.
De nächste Bahnhoff is so bi acht Kilometer wied weg in’n Westen de Bahnhoff Lübbs an de Bahnlien Bremen–Bremerhoben.
Footnoten[ännern | Bornkood ännern]
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 217
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 103
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 574
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 158
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 169
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 144
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de