Standdreesprung
De Standdreesprung is en Dreeesprung, de ahn Anloop, also ut’n Stand maakt warrt. Jüst so as de Standhoochsprung un de Standwietsprung tellt disse Sportdisziplin to de Sprungwettstrieden as Deelrebett vun de Lichtathletik. In de Johren 1900 un 1904 weer se olympisch.
Technik[ännern | Bornkood ännern]
De Technik ünnerscheedt sik nich dull vun den normalen Dreesprung. Bi den Standdreesprung steiht de Athlet op dat Afsprungbrett un halt mit beide Arms Swung. Wenn beide Arms achter’n Rüch sünd, geiht de Sportler licht in de Huuk un springt af. Dorbi warrt de Arms na baven böhrt. Dorna lannt man op een Been un springt foorts wieter un lannt denn op dat annere Been. Dorna folgt de Sprung in de Sandkuhl.
Dorblangen gifft dat ok noch den Standdreesprung mit beide Benen, bi den de Sportler dreemol mit beide Benen tosamen na de Sandkuhl hüppen deit.
Olympia un Rekorden[ännern | Bornkood ännern]
Dat heet, dat sogor al de ollen Greken Standdreesprung mit Gewichten maakt hebbt.
Tosamen mit de annern Standsprungwettstrieden is de Standdreesprung 1900 bi de Olympische Spelen in Paris anboden worrn. Dor hett de US-Amerikaner Ray Ewry mit en Wiet vun 10,58 m wunnen. Ok veer Johren later bi de Olympische Spelen in St. Louis geev dat den Wettkamp. Und ok dor hett Ewry wedder wunnen, ditmol mit en Wiet vun 10,55 m.
| Johr | Goldmedaille | Sülvermedaille | Bronzemedaille |
|---|---|---|---|
| 1900 | Ray Ewry (USA) | Irving Baxter (USA) | Robert Garrett (USA) |
| 1904 | Ray Ewry (USA) | Charles King (USA) | Joseph Stadler (USA) |
De Disziplin weer ok in Düütschland geern maakt. De düütsche Rekord weer 1909 vun Otto Bäuerle mit 9,15 m opstellt.
Standdreesprung vundaag[ännern | Bornkood ännern]
Offiziell warrt de Standdreesprung hüüt kuum noch utdragen, man af un to gifft dat de Disziplin noch bi Jöögdfestspelen.