Sophie Dethleffs
Sophie Auguste Dethleffs (ok: Dethlefs) (* 10. Februar 1809 in Heid; † 13. März 1864 in Hamborg) weer en plattdüütsch Dichterin.
Leven
[ännern | Bornkood ännern]Se weer dat jüngste Kind vun de Bankdirektor un königlich Beamten Dethleffs. Hör Moder is glieks nah hör Geburt storben, hör Vader starv 1838. Dornah is se vun Justizrat Paulsen annommen wurrn, in de sien Huus se sowat as en Sellschoperin weer. To Kindööp, Pulterabenden, sülvern Hochtieten un ähnlich Veranstaltungen schreev se Gedichte. Ok Theaterstücke hett se schreben. Hör Gedicht „De Fahrt na de Isenbahn“ weer all en lang Tiet bekannt, bevör dat 1850 in sleswig-holsteenschen Volksklenner druckt wurrn is. Dat Gedicht fangt so an[1][2]:
De Fahrt na de Isenbahn
Hans har sin Fru dat all lang verspraken,
Se wullen tohopen mal'n Lusttour maken,
Wenn dat Wedder ins moje weer
Un nicks to don för den Wagen un Peer.
Denn wo ehr Fründschap, wo Clas-Ohm wahn,
Da gung jüs vöröber de Isenbahn.
Da weer all lang so veel Snackens um ween,
Nu wull'n se doch sülvst den Specktakel mal sehn.
Paulsen is denn 1848 storben un Sophie Dethleffs wurr mehr un mehr eensam, 1853 is se in de Schröderstift för „Hilfebedürftige aus besseren Ständen“ in Hamborg upnommen wurrn, wo se denn ok stürben is.
Ehren
[ännern | Bornkood ännern]Na Dethleffs Dood hett Klaus Groth een Gedicht schrieven, wovun veer Reeg op ehren Graffsteen steiht. In Hamborg wart vundaag ok an twee Steden an Dethleffs denken laten: Ehr Naam steiht op de Platt Dichter und Schriftsteller op de Althamburgische Gedächtnisfriedhof vun Friedhof Ohlsdorf un de Dethlefstwiete in Hamborg-Lohbrügge is na ehr benömt.[3] Ok in Heid is een Straat na ehr benömt.[4]
2025 hett de plattdüütsche Schrieversche un Översetterin Clivia Appeldorn een Arbeitsdrepen to Sophie Dethleffs utricht, wo se ehr Gedichten för een CD insprekt hebbt.[5]
Warken
[ännern | Bornkood ännern]- Gedichte. Heide: Pauly 1850 (Neu herausgegeben von Michael Töteberg. Boyens, Heid 1989. ISBN 3-8042-0460-0)
- De Fahrt na de Isenbahn, Artur Fürst zu Ehren, Erasmusdruck, Berlin 1850 (1921 Needruck)
- Gedichte in hochdeutscher und plattdeutscher Mundart. 2 Bände. Kittler, Leipzig 1861
Literatur
[ännern | Bornkood ännern]- Sophie Dethleffs ut' e Heid un annere voer Klaus Groth, H. Lühr & Dircks, Garn 1926
Kiek ook bi
[ännern | Bornkood ännern]Weblenken
[ännern | Bornkood ännern]- Sophie Dethleffs in de Datenbank Die niederdeutsche Literatur (hoogdüütsch)
- Ulrich Goerdten: "Die Bibliothek des Plattdütsch Vereen Quickborn zu Berlin in der Universitätsbibliothek der Freien Universität Berlin" (hoochdüütsch)
Nawiese
[ännern | Bornkood ännern]- ↑ Inge Harländer (2014): Spuren der Dichterin Sophie: Ein Frauenschicksal im 19.Jahrhundert. Books on Demand, 21.08.2014 - 232 Seiten
- ↑ Sophie Auguste Dethleffs (1926): Sophie Dethleffs ut' e Heid un annere voer Klaus Groth. Verlag vun H. Lühr & Dircks in Garding.
- ↑ Brita Reimers: Sophie Auguste Dethleffs (Dehtlefs). In: Biografien-Datenbank: Frauen aus Hamburg. Landeszentrale für politische Bildung Hamburg, afropen an’n 3. Januar 2026.
- ↑ Dieter Brumm: Sophie Dethleffs - die wiederentdeckte Dichterin – SHZ. In: shz.de. 14. März 2009, afropen an’n 3. Januar 2026.
- ↑ Ni’e CD mit Texten vun Sophie Dethleffs. In: Länderzentrum für Niederdeutsch. 9. September 2025, afropen an’n 22. Dezember 2025 (plattdüütsch).