Simon van Wattum

Simon van Wattum, as Schrieversnaam ok Jan Maaier (* 11. Dezember 1930 in Knoal, † 29. Dezember 1995 in Winschoot) was en nederlandsken Dichter un Journalist, de in de nederlandsk-nedersassisken Dialekten Veenkoloniaalsk un Oldambstersk man ok up Nederlandsk schreev.

Leven un Wark

Dat Veenkoloniaalsk is de Dialekt, de he van Huus uut mitkregen het. Dat Oldambstersk leer he nadem he sük in Windschoot daallaten un daar arbeidt un sien Frau traut het.

He schreev Dichtwark, Vertellsels un Feuilletons. Daarto het he ok Theaterstücken översett un bewarkt. Sien Prosastücken broch he ok unner de de Schrieversnaam Jan Maaier ruut.

Mit 18 broch van Wattum sien eerst Gedichtband ruut. 1954 grünnde he mit Jan Niehoff un Willem Diemer de Grönneger Literatuurtiedschrift ’t Swieniegeltje. Van Wattum harr sük de Naam van dat Blad uutdacht.

1955 begunn he as Journalist un Kolumnenschriewer bi de Winschoter Courant. Tüschen 1967 un 1972 was he daar Höövdredakteur. Daarna gung he na’t Nieuwsblad van het Noorden. Hier maakde he sük tüschen 1973 un 1990 unner anner mit de Rubrik Bericht uit 't Oostereind.

1966 wurr dat satiriske grönnegse Bladje Twijspaalk grünnd, wo van Wattum Baas in de Redaktschoon was

Inflood un Rezeptschoon

Van Wattum harr en groten Inflood op de moderne grönnegse Schrieveree. Hendrik Entjes, Perfesser för Nedderdüütsche Philolgoie an de Rieksuniversität Grönneng, schreev:

'In zijn gedichten maakte hij het dialect zelf met klank en woord graag tot onderwerp van bespiegeling en dichterlijke overweging om zo eigentijdse problemen aan de orde te stellen [...] Zijn stukken in de krant, verhalen en berichten, kregen al gauw de spotlust, het sarcasme, cynisme zelfs, van de hedendaagse column mee.'

De grönneger Folkgrupp Törf het Van Wattum sien Texten ok as Leedtexten bruukt.

Warken

Tussen wenst en wereld (1954, Lanteern-reeks, J.A. Eerelmans N.V.)
Wachtwoorden: Groninger kwatrijnen (1964)
Boerenzoad dut 't aaltied: de twaalf speulstökjes oet 't toneelprojekt "Waark" (1974)
De helft is verzonnen: vijftig verhalen uit 't Oostereind (1974)
Koegeltjeblaauw en aander verhoalen van Steven en Wemeltje (1979) ISBN 90-6108-190-4
Twijstried: tussen wenst en wereld. Verzoamelde gedichten (1980) ISBN 90-6272-441-8
Steven en Wemeltje: datteg verhoalen oet t Ol Loug (1986) ISBN 90-70323-13-3
Kneels en Biene: verhoalen uut de Veenkolonies (2001)
Aigen woarhaid (2005) ISBN 90-75258-07-0

Priesen

Simon van Wattum kreeg verscheden Priesen för sien literarisk Wark

Hendrik de Vriespries (1974)
De Provinziale Kulturelle Pries van de Provinz Grönnen (1975)
De Literaire Pries van de Stichten t Grunneger Bouk (1981)

Kiek ok bi

List van plattdüütsken Schrievers

Literatur

Henk Bloemhoff, Jurjen van der Kooi, Hermann Niebaum, Siemon Reker (Ruutgevers): Handboek Nedersaksische Taal- en Letterkunde, Azzen: Van Gorcum 2008
Siemon Reker: Goidag! Taalgids Groningen, Azzen: In Boekvorm Uitgevers 2005.

Weblenk

Simon van Wattum op streektaalzang.nl