Sidney Altman

Sidney Altman (2012)

Kristallstruktur von RNase P mit tRNA-Substrat (gröön)

Sidney „Sid“ Altman (* 7. Mai 1939 in Montreal, Kanada; † 5. April 2022 in Rockleigh, New Jersey) weer en kanaadsch Physiker un Biochemiker. He kreeg tosommen mit Thomas Robert Cech 1989 den Nobelpries för Chemie för dat Opdecken vun de katalytisch Eegenschapen vun RNA.

Leven

Sid Altman is as Kind vun en Immigrantenfamilie upwussen un hett Physik an dat Massachusetts Institute of Technology un later Biophysik an de University of Colorado studeert, wo he 1967 sien Doktertitel kreeg. Later wurr he Perfesser an de Yale University. 1987 wurr he Fellow vun de American Association for the Advancement of Science, 1988 wurr he in de American Academy of Arts and Sciences wählt. 1990 wurr he in de National Academy of Sciences vun de USA un in de American Philosophical Society upnommen. 2016 kreeg he de Lomonossow-Goldmedaille vun de Russische Akademie vun de Wetenschapen, deren utwärtig Liddmaat he 2019 wurr.

Sien bahnbrekend Forschungen to de RNA fungen an dat Medical Research Council Laboratory of Molecular Biology vun Francis Harry Compton Crick un Sydney Brenner in Cambridge, UK, an.

Bi dat Ünnersöken vun de komplizeert Perzessfolg, in de ünner Mitwarken vun söss RNA-Molekülen de codeert Informatschoon vun de DNA to de Herstellung vun de entsprekend Proteine führt, hett Altman dat Enzym RNase P opdeckt, dat de Endstücke vun en vun de intermediären RNA-Moleküle afspalt. Nah teihn Johren Forschungsarbeit kunn Altman nahwiesen, dat dat ünnersöcht Enzym nich as sonst en Protein weer, sonnern en Kombinatschoon vun en RNA-Stück un en Protein. Dorbi weer dat RNA-Stück wesentlich för de spezifische katalytische Wirkung.

Privates

He weer mit Ann M. Körner verheiraadt und harr twee Kinner. He 1984 harr he ok de amerikaansch Staatsangehörigkeit.

Weblinks

Sidney Altman. Mehr Biller, Videos oder Audiodateien to’t Thema gifft dat bi Wikimedia Commons.

• Indrag up de Sieden vun den Nobelpries (engelsch)
• Beschrieven vun sien Nobelpries-kröönt Forschungsarbeit (engelsch)
• Autobiografie (engelsch)
• Altman sien Webupträe an de Yale-University
• Kanadische Nobelpreisträger (Memento von’n 21. Februar 2001 in dat Internet Archive) (engelsch)
• academic.tree (engelsch)