Scholen (Gemeen Ne’enkarken)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21763 | |
| Vörwahl: | 04751 | |
| Geograafsche Laag: | Koordinaten:53° 47′ N, 8° 54′ O53° 47′ N, 8° 54′ O | |
|
| ||
Op de Scholen (hoochdüütsch Scholien) is en Oort, de twüschen de Gemenen Neenkarken un Oterndörp (Samtgemeen Land Hadeln) in’n Landkreis Cuxhoben, Neddersassen, opdeelt is.
Geografie[ännern | Bornkood ännern]
De Oort liggt an de Mehm in Land Hadeln un in de Masch von de Ünnerelv.
De Naveröörd sünd Oterndörp un Wellingsbüttel in’n Noorden, dat Oosterenn Oterndörp in’n Noordoosten, Oosterbrook in’n Oosten, Pehmworth in’n Süden, Neenkarken un Brüünhemm in’n Süüdwesten un Katthusen in’n Westen.
Historie[ännern | Bornkood ännern]
Verwaltungsgeschicht[ännern | Bornkood ännern]
De Oort hett vör 1852 to dat Kaspelsgericht Oosterenn-Oterndörp in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort hett bet 1929 to de Gemeen Oosterenn-Oterndörp tohöört. As düsse Gemeen 1929 oplööst worrn is, is en Deel von Scholen an de Stadt Oterndörp kamen, de süden Deel aver mit Brüünhemm un Pehmworth an de Gemeen Neenkarken.
Inwahnertall[ännern | Bornkood ännern]
| Johr | Inwahners |
|---|---|
| 1848[1] | 137 Lüüd, 16 Hüüs |
| 1. Dezember 1871[2] | 145 Lüüd, 16 Hüüs |
| 1. Dezember 1885[3] | 114 Lüüd, 15 Hüüs |
| 1. Dezember 1905[4] | 94 Lüüd, 16 Hüüs |
Religion[ännern | Bornkood ännern]
Scholen is evangeelsch-luthersch präägt un höört to dat Kaspel von de Severus-Kark in Oterndörp.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur[ännern | Bornkood ännern]
För de beiden Delen von Scholen sünd de freewilligen Füürwehrn Neenkarken un Oterndörp mit tostännig.
Verkehr[ännern | Bornkood ännern]
Dör Scholen löppt de Kreisstraat 16, de in’n Noordwesten an de Bundsstraat 73 ran un wieder na Oterndörp geiht un in’n Süüdoosten över Oosterbrook na Bülkau an de Landsstraat 144. Von de K 16 geiht in’n Süüdwesten de K 15 af, de na Neenkarken an de L 117 föhrt. De L 117 föhrt in’n Süden na Helmworth, Steenau un Beers. De B 73 löppt in’n Westen över Olenbrook na Cuxhoben un in’n Süüdoosten över Neehuus, Kumbarg un Hemmoor na Stood.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 15 Kilometer in’n Noordwesten von Scholen an de B 73.
De nächste Bahnhoff is knapp dree Kilometer wied weg in’n Noordwesten de Bahnhoff Oterndörp an de Nedderelvbahn von Cuxhoben na Hamborg.
Lüüd[ännern | Bornkood ännern]
De plattdüütsche Schrieversche Elsbeth Allers hett von 1950 bet to ehren Dood 2007 in Scholen leevt.
Footnoten[ännern | Bornkood ännern]
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 156
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 158
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 68