Santa-Rosa-Grupp

Vun Wikipedia

De Santa-Rosa-Grupp is en geoloogsche Grupp in Guatemala un Belize, de ut klastische Steen (vör allen Schiefer un Kalksteen) ut dat Paläozoikum (Karbon un Perm) besteiht.

1868 hebbt Auguste Dollfus un Eugène de Montserrat in jemehr Book Voyage Geologique dans les Republiques de Guatemala et de Salvador klastische Steen in Guatemala beschreven, de denn lange Tied na de Typlokalität Santa Rosa as Santa-Rosa-Formatschoon bekannt stünnen. Later hett sik aver rutstellt, dat jüst de Steen an de Typlokalität mit de Todos-Santos-Formatschoon korreleert. Dorüm hett 1960 Jack L. Walper vörslahn, dat düsse Santa-Rosa-Formatschoon lever Tactic-Formatschoon nöömt warrn schall. Annere Schrievers so as 1963 Alexander R. McBirney weren dor nich mit inverstahn, dat so en etableerten Naam utsmeten warrn schall.

Burke Burkart un Russell E. Clemons hebbt 1969 vörslahn, dat de Santa-Rosa-Formatschoon op’n Rang von en Grupp anhaven warrt un in de dree Formatschonen Chicol-Formatschoon, Tactic-Formatschoon un Esperanza-Formatschoon indeelt warrt. Dat is vondaag so etableert.