Salvador Figueroa

Vun Wikipedia
(wiederwiest vun Sal Figueroa)
Zur Navigation springen Zur Suche springen

Salvador Amin „Sal“ Figueroa is en Diplomaat ut Belize.

Figueroa weer op de Universität von Kentucky in Lexington (Kentucky).

Von 1990 af an weer he Honorarkunsel von Belize in New Orleans (USA).

He weer von 1998 bet 2008 as Nafolger von Elito Urbina Baadschopper för Belize in Mexiko mit Seet in Mexiko-Stadt. He weer in düsse Tied ok gliektiedig Baadschopper in Kolumbien, Jamaika un Venezuela. 2008 hett em Rosendo Urbina aflööst.

In’n März 2000 weer he för korte Tied Chargé d’Affaires in Guatemala-Stadt.[1] Nadem dree Soldaten un een Polizist ut Belize von Guatemala fastnahmen worrn sünd (de Akschoon stünn in’n Kuntext von’n Grenzkunflikt twüschen Belize un Guatemala), hett Guatemala de veer Personen ünner de Oplaag, dat se dat Land nich verlaten dröfft, in dat Gewohrsam von Figueroa geven. Liekers hett Figueroa dor för sorgt, dat de Personen na Belize trüggkaamt. Dorüm hett Guatemala Figueroa ut dat Land rutsmeten.

2009 is Figueroa Direkter för International Relations för de Grupp Greater New Orleans Inc. worrn un arbeidt siet 2013 as Berader för dat Ünnernehmen Southern Chem Industries.

Ehren[ännern | Bornkood ännern]

An’n 16. Juli 2009 hett Figueroa den Orden von’n aztekschen Aadler kregen.[2]

Footnoten[ännern | Bornkood ännern]

  1. Ambassador expelled from Guatemala, Channel 5 Belize an’n 8. März 2000
  2. Salvador Figueroa receives the Mexican Order of the Aztec Eagle, San Pedro Sun an’n 19. Juli 2009