Rio (Film)

Vun Wikipedia
Filmdaten
Plattdüütsch Titel:
Originaltitel: Rio
Düütsch Titel: Rio
Produkschoonsland: USA
Johr vun’t Rutkamen: 2011
Läng: 95 Minuten
Originalspraak: Engelsch
Öllersfreegaav in Düütschland: FSK 0
Filmkru
Speelbaas: Carlos Saldanha
Dreihbook: Don Rhymer
Joshua Sternin
Jeffrey Ventimilia
Sam Harper
Produkschoon: Bruce Anderson
John C. Dunkin
Musik: John Powell
Kamera: Renato Falcão
Snitt: Harry Hittner
Randy Trager
Dorstellers

Sprekers: Afsnitt in’n Artikel

Rio is de Titel vun en US-amerikaanschen Animatschoonsfilm, de in 3D vun de Blue Sky Studios, de in Co-Produkschoon mit 20th Century Fox entstahn is. De Film is in Düütschland an’n 7. April 2011 in de Kinos kamen.

Bi Produkschoonskosten vun ruchweg 90 Millionen US-Dollars[1] hett Rio weltwiet ruchweg 483,9 Millionen US-Dollar inspeelt un tellt dormit to de spoodrieksten Filmen vun 2011.[2]

Inholt[ännern | Bornkood ännern]

Blu is dat letzte Heken vun sien Geslecht vun de Spix-Aras. As Jungdeert weer Blu vun Smugglers ut sien Heimat Rio de Janeiro wegbröcht un leevt nu bi de Bookhännlersche Linda in Minnesota. Een Dag kummt de Ornitholoog Túlio in de lütte Stadt un vertellt Linda, dat he Blu bruken de, üm sien Geslecht to redden. Se seggt to un flüggt mit Blu na Rio de Janeiro in Brasilien.

Dor warrt Blu in en Voliere mit dat letzte Seken vun jemehr Geslecht bröcht. De rebellsche Jewel hett aver rein gronix mit dat Redden vun jemehr Geslecht in’n Sinn – se will eenfach blots torüch in de Freeheit. In de Nacht warrt beide mit Hülp vun den Geelhuuvkakadu Nigel vun den Stratenjungen Fernanda klaut un na Vagelsmugglers bröcht. Se künnt woll utneihn, man dorbi stellt sik rut, dat Rio nienich lehrt hett to flegen. Mit en Keed tosamenbunnen mööt se sik tofoot dörslahn. In Oorwoold drapt se op den Resentukan Rafael, de jem in de Stadt na den Bullenbieter Luiz bringt. Mit den sien Hülp schüllt se de Keed loswarrn, dat se wedder free jemehr Weeg gahn künnt.

Ünnerwegens sluut sik de Graukardinal Pedro un de Geelbuukgirlitz Nico an. Jümmer wedder versöökt de Frünnen, Blu un Jewel tosamen to bringen, man so recht schall dat nich henhauen. De Smuggler denkt in de Twüschentiet aver gor nich doran, sik den Hannel tweimaken to laten. De beiden Vagels sünd neemlich en Vermögen weert. Nadem sien Mackers sik to dusselig anstellt hebbt, schickt he Nigel los, de beiden Aras wedder intofangen. Mit Hülp vun en Koppel vun Marmosettenapen will he dat maken. Man, unvermodens kriegt de Apen dat mit en grote Tall vun Vagels to doon, de Blu un Jewel bistahn doot.

De Keed warrt se opletzt los. Foorts flüggt Jewel in de Luft un freit sik, wedder free to wesen. Blu, de nich flegen kann, blifft nix anners, as ehr natokieken. He kummt to de Insicht, dat he Jewel nix to beden hett. De binnere Striet vun Blu, wat he en Vagel is, un wat Minnesota sien wohre Heimat wesen kann, tütt sik dör den Film un föhrt ok twüschen Jewel un em to’n Striet: Blu ritt daalslahn un insnappt ut un kriggt sik mit Jewel in de Feddern, as se em ophollen will. Se gaht in verscheden Richten ut’nanner. As Jewell wegflüggt, üm mit ehr Pien alleen to wesen, warrt se vun Nigel opgrepen, de ehr torüch na den Smuggler bringt. Nico un Pedro hebbt dat aver sehn un vertellt Blu un Rafael dorvun.

De Deerten maakt so gau op’n Weg, jemehr Fründin to redden, de in’n Trubel vun’n Karnevalümtog in een vun de Paradewagens fangenhollen warrt. En Spoor dorhen hebbt in de Twüschentiet ok Linda un Túlio kregen, de sik verkleedt as Spix-Aras as Dansers utgeevt, üm in de Parada to kamen. Blu sütt Linda woll, tütt dat aver vör, eerst Jewel to befre’en. Dorbi geiht he aver Nigel in en Fall, de sik al dacht hett, dat Blu sien Fründin nich alleen laten deit. Ok Rafael un de annern Vagels sünd al insparrt worrn un schüllt nu alltohopen in en en Fleger verlaadt un wegbröcht warrn. Mit en Paradewagen neiht Linda achter de Smugglers ran na’n Flaaghaven, kamt aver nich mehr rechttietig un künnt blots noch achter den Fleger ran kieken.

Blu versöcht nu allens, wat he kann, üm uttobreken. Ok de annern Deerten kann he befre’en, so dat se all ut den Fleger freekamt. Blu tögert aver, vunwegen dat he jümmer noch nich flegen kann un Jewel blifft bi em torüch. Man, Nigel kriggt dat mit, dat de Vagels utneiht sünd un verwickelt de beiden in en Kamp, bi den Jewel sik ehrn Flünk breken un nu ok nicht mehr flegen kann. As se ut de apene Heckklapp störten deit, överwinnt sik Blu un jumpt achter sien Leefsten ran. Kort vör’t Opprallen besinnt he sik op sien wohre Natur und breedt de Flunken ut. So kann he sik un Jewel redden un warrt gewohr woans dat Flegen geiht. Mit Jewel in sien Klauen flüggt he torüch na’n Flaagplatz, woneem Linda un Túlio jem jümmer noch achterantruert.

An’t Enn blifft Linda bi Túlio in Rio de Janeiro, woneem se beid in en Deerschuulstatschoon arbeiten doot. Se pleegt Jewel wedder gesund, de mit Blu opletzt denn doch en Familie grünnt hett.

Kritik[ännern | Bornkood ännern]

  • Op MovieMaze stünn to lesen, dat de Film alleen al wegen sien feinen Klören un de Musik vör allen för Kinner en groten Spaaß weer. De Vagels weern Figuren to’n Geernhebben un laden to’n Mitfevern in.[3]
  • Cinema oordeel, dat de vun den Ice Age-Speelbaas inszeneerte Trickfilm mit torüchhollern insette 3D-Effekten, rasante Actionszenen, en mitrieten Soundtrack un origiennel Figuren begeistern de. Ünner’n Streek loov de Redakschoon den Film as perfekt Ünnerhollen för de hele Familie.[4]
  • kino.de meen, dat de Figuren un Kulissen nee wesen möögt, man de verspeelte Ümgang mit de sympaathschen Figuren, de Humor vull Leef un de vigelienschen Actionszenen, de in de TRaditschoon vun’n Slapstick stünnen, Saldanha as groten Fründ vun’n klass’schen Tekentrick utwiesen deen. De Kombinatschoon ut Minschen- un Deerfiguren weer as nich so goot dorstellt, vunwegen dat de Veerbeeners un Fedderveeh de tekenten Minschen an de Wand spelen deen un dat Lachen jümmer op jemehr Siet hebbt. Schöön antosehn weern ok de Biller vun de Stadt: De Schauplätz weern ideal nütt, un sogor de Seilbahn op’n Pão de Açúcar weer in de Geschicht inboet.[5]

Utteken[ännern | Bornkood ännern]

Rio weer för tosamen 26 Filmpriesen nomineert, dorünner ok eenmol för den Oscar in de Kategorie Best Leed. Uttekent weer de Film opletzt mit blots dree Priesen:

  • 2012: mit den Tokiekerpries vun’n Groten Kinopries vun Brasilien in de Kategorie Best utlännsch Film för Carlos Saldanha
  • 2012: mit den Annie Award in de Kategorie Figurenanimatschoon in en Speelfilm för Jeff Gabor
  • 2012: mit den ASCAP Award in de Kategorie Top Box Office Films för John Powell, Siedah Garrett un Sergio Mendes

Stimmen[ännern | Bornkood ännern]

Rull Originalspreker Düütsche Synchronisatschoon
Fernando Jake T. Austin Sebastian Fitzner
Linda Leslie Mann Kaya Marie Möller
Túlio Rodrigo Santoro Alexander Doering
Marcel Carlos Ponce Oliver Stritzel
Tipa Jeffrey Garcia Stefan Krause
Sylvio Bernardo de Paula Tobias Meister
Blu Jesse Eisenberg David Kross
Jewel Anne Hathaway Johanna Klum
Rafael George Lopez Roberto Blanco
Nigel Jemaine Clement Christian Brückner
Luiz Tracy Morgan Dennis Schmidt-Foß
Pedro Will.i.am Itchy
Nico Jamie Foxx Mr. Reedoo
König Mauro Brian Baumgartner Marcel Collé

Borns[ännern | Bornkood ännern]

  1. http://latimesblogs.latimes.com/entertainmentnewsbuzz/2011/04/box-office-rio-scream-4-conspirator.html
  2. http://boxofficemojo.com/movies/?id=rio.htm
  3. MovieMaze
  4. cinema.de
  5. kino.de

Weblenken[ännern | Bornkood ännern]