Resilienz (Ökosystem)

Vun Wikipedia
Zur Navigation springen Zur Suche springen

Resilienz is in de Ökologie en Ökosystem sien Vermögen, dor gegen an to gahn un gegen to hollen, un sik achternah gau wedder to vermünnern, wenn dat stöört un dör'nanner brocht warrt.Stöört un dör'nanner brocht weern kann dat dör Dalsläge, as Füer, Floot, Storm un unbannig Vermehren vun Insekten, man ok dör den Minschen sien Doon, as Afneihn vun Wolden, Fracking vun den Unnergrund to'n Ruttrecken vun Eerdööl, dör Pestizide, de up'n Acker sprütt weert, man ok dör dat Inföhren vun frömme Aarden vun Planten oder Deerter. Wenn en Ökosystem dull genoog oder lang noog stöört wurrn is, kann dat dor an en Sull schaven weern, achter den dat heel un deel umsleiht.[1] Dör de Minschen ehr Doon, as dör dat Verminnern vun Biodiversität, Utpovern vun natüürliche Ressourcen, Schietigmaken vun'e Umwelt, Land-Verbruken, un globalen Klimawessel, slaht jummers mehr Ökosysteme um. Faken geiht dat dor bargdal bi.[2][3]. Hüdigendags snackt de unnerscheedlichen Twiege vun de Wetenschop over Resilienz un denkt dor gemeensom over na, wie Minschen un Ökosysteme tosamenhangen doot. Se hefft ok rutfunnen, datt dat afsluuts nödig is, aftodreihn vun dat Paradigma vun den hööchsten Upbrengst, hen to en Umwelt-Ressourcen-Management, de sik vörnahmen hett, ökoloogsche Resilienz up to boon dör „Resilienz-Analyse, dör en Ressourcen-Management un dör Ressourcen-Verwalten, de jummers tolehrt un sik anpasst“[4].

Literatur[ännern | Bornkood ännern]

  • Hulme, M. (2009). “Why we Disagree about Climate Change: Understanding Controversy, Inaction and Opportunity". Cambridge University Press.
  • Lee, M. (2005) “EU Environmental Law: Challenges, Change and Decisions Making”. Hart. 26.
  • Maclean K, Cuthill M, Ross H. (2013). Six attributes of social resilience. Journal of Environmental Planning and Management. (online first)
  • Pearce, D.W. (1993). “Blueprint 3: Measuring Sustainable Development”. Earthscan.

Belege[ännern | Bornkood ännern]

  1. Folke, Carpenter et al 2004
  2. Folke, Carpenter et al 2004
  3. Peterson et al 1998
  4. Walker, Holling et al 2004