Reederee

Vun Wikipedia
(wiederwiest vun Reeder)

Eene Reederee is en Transport-Unnernehmen in de Seefohrt un Binnenschipperee.

Reeder[ännern | Bornkood ännern]

Na dat düütsche HGB is en Reeder de Egendömer vun en Schipp, mit dat he in de Seefohrt sien Geld verdenen deit (vgl. § 484 HGB). Reeder kann en Sellschop vun Personen ween, man ok en juristische Person, un ok en Koopmann in'n Sinn vun dat HGB.

Partenreederee[ännern | Bornkood ännern]

In dat HGB steiht unner Reederee blot de Partenrederee. Dor hannelt sik dat um en Sellschop bi, wo en Reeg vun Lüde gemeensam en Schipp bedrievt, dat jem tosamen tosteiht. De Lüde bi so'n Partenrederee weert Mitreeders nömmt. De Partenrederee is in dat düütsche HGB in de §§ 489 ff beschreven.

Linienreederee[ännern | Bornkood ännern]

Linienreederee (ok Linienreeder) warrt en Unnernehmen nömmt, wat sik mit de Linienfohrt befaten deit. Liniendeenste gifft dat hüdigendags sunnerlich in de Container-Fohrt, in de Stückgoot-Fohrt un bi de RoRo-Fohrt. De Scheepe, de in'n Liniendeenst insett weert, mütt nich Egendom vun de Reederee ween, för de se unnerwegens sund. En Linienreederee is also nich up jeden Fall ok de Reeder. Veelmehr könnt de Scheepe ok chartert ween. Denn is de Linienreederee also en Charterer. Ganz allgemeen warrt ok vun Operator snackt.

Upgave vun en Reederee[ännern | Bornkood ännern]

De Reederee befaat sik dor sunnerlich mit, dat ehr Schipp oder ehre Scheepe utstaffeert, bemannt, unnerholen un insett' weert. Düsse Upgaven (dat Bereedern) könnt ok an en anner Unnernehmen afgeven weern. Dat is denn de so nömmte Verdragsreeder.

Neven dat Bereedern kann sik de Reederee ok mit dat Befrachten befaten. Man düsse Upgave kann ok an en Schippsmakler överdragen weern.

Kiek ok bi[ännern | Bornkood ännern]

Literatur[ännern | Bornkood ännern]

  • Herber, Rolf, Seehandelsrecht. Systematische Darstellung, Berlin 1999, Verlag: de Gruyter, ISBN 3-11-016311-X
  • ders., Seefrachtvertrag und Multimodalvertrag, RWS-Skript 170, 2.Aufl. 2000, Verlag: RWS, ISBN 3-8145-9170-4
  • Puttfarken, Hans-Jürgen: Seehandelsrecht, Verlag Recht und Wirtschaft, Heidelbarg 1997, ISBN 3800511711.
  • Prüssmann, Heinz; Rabe, Dieter (Bearb.): Seehandelsrecht: fünftes Buch des Handelsgesetzbuches; mit Nebenvorschriften und internationalen Übereinkommen, Verlag C.H. Beck, München 2000 (4. Uplage), ISBN 3406455107.
  • Creifelds, Rechtswörterbuch, 19.Upl. München 2007, Verlag C.H. Beck, ISBN 978-3-406-553929, Stichwoort: Reeder

Weblenken[ännern | Bornkood ännern]