Rainer Brüderle

Vun Wikipedia
Rainer Brüderle

Rainer Brüderle (* 22. Juni 1945 in Berlin) is en düütschen Politiker vun de FDP. He is vun 1987 bit 1998 Weertschopsminister vun dat düütsche Bundsland Rhienland-Palz ween. Vun 1998 bit 2009 weer he Viez-Vörsitter vun de FDP-Fraktschoon in'n Düütschen Bundsdag un vun 1995 af an is he Viez-Bundsvörsitter vun de FDP. Vun den 28. Oktober 2009 af an is he Bundsminister för Weertschop un Technologie in dat Kabinett Merkel II. Dat bleev he bit to'n 12. Mai 2011.

Leven un Beroop[ännern | Bornkood ännern]

Brüderle is vun 1948 af an in Landau in de Palz upwussen. Dor hett sien Vadder en Textilunnernehmen bedreven. Na dat Abitur 1964 in Landau hett he an de Johannes Gutenberg-Universität Mainz Publizistik, Rechtswetenschop, Volksweertschopslehr un Politikwetenschop studeert. Afslaten hett he 1971 as Diplom-Volksweert. Denn is he wetenschopplichen Mitarbeider an de Universität in Mainz wurrn. Dornah weer he vun 1975 bit 1981 as Direkter vun dat Mainzer Amt för den Utbo vun Weertschop un Verkehr togange. Vun 1977 af an weer dat dat Amt för Weertschop un Grundstücken. Vun 1981 bit 1987 weer he Dezernent för Weertschop vun de Stadt Mainz. Rainer Brüderle is freet un wahnt in den Mainzer Stadtdeel Gonsenheim.

Partei[ännern | Bornkood ännern]

Vun 1973 af an höört Brüderle to de FDP to. Vun 1981 bit 1983 is he Vörsitter vun den FDP-Bezirksverband Rhienhessen-Vöörste Palz. Vun 1983 af an is he Vörsitter vun de FDP in dat Land Rhienland-Palz. Vun dor af an höört he ok to den Bundsvörstand vun de FDP mit to.