Rafael Osuna

Vun Wikipedia

Rafael Herrera Osuna (* 15. September 1938 in Mexiko-Stadt; † 4. Juni 1969 in Monterrey) weer en mexikaansch Tennisspeler.

Osuna weer 1963 as eerst un bither eenzig Mexikaner de Nummer 1 in’ Welttennis (vun de Amateure). To sien gröttste Erfolgen hörrn de Sieg in’ Herreneenzel bi de US Open 1963, as he sück gegen den Australier Frank Froehling in dree Satzen dörsetten kunn. Een Johr dorvör harr he tosommen mit sien Landsmann Antonio Palafox dat Düppelfinale gegen de Amerikaner Chuck McKinley un Dennis Ralston in fiev Satzen wunnen. De hemm sück den Titel in dat sülvig Endspeel 1963 torüchhaalt.

Ok bi de Düppelkonkurrenzen in Wimbledon weer he 1960 spoodriek. Tosommen mit Dennis Ralston wunn he gegen de Briten Mike Davies un Bobby Wilson in dree Satzen. Tosommen mit Antonio Palafox wunn he dissen Wettkamp 1963 noch eenmal, ditmal gegen de Franzoosen Jean-Claude Barclay un Pierre Darmon in veer Satzen.

Rafael Osuna keem 1969 bi en Floogtüüchafstört to Dood. Kört vörgher harr he Mexiko meest alleen to’n 3:2-Sieg in’ Davis Cup över Australien führt.

1979 wurr he in de International Tennis Hall of Fame upnommen.

Weblenken[ännern | Bornkood ännern]