Plattdüütsch Radioprogramm
Plattdüütsch Regioprogramm betekent Formaten op Plattdüütsch in dat Radio.
Radioprogramm
[ännern | Bornkood ännern]De Höörfunk speelt ene wichtige Rull för dat Plattdüütsch.[1] Een vull Radioprogramm op Platt givt’t in Düütschland man nich. De Initschativ Funklock stoppen het vun 2020 an versöcht een plattdüütsch Radioprogramm op de Been to stellen. Se mossten dat Programm Plattradio man wedder instellen.[2][3] An 5. Januor 2026 geiht dat Nafolge-Projekt PLATTform bi de Apen Kanal Sleswig-Holsteen an Start.[4]
De NDR sennt mit Hör mal ’n beten to jeden Warkdag plattdüütsche Dööntjes. De Narichten op Platt vun NDR 90,3 in Hamborg un de plattdüütschen Nahrichten op Radio Bremen sennt fiefmaal de Week aktuelle Informatschonen op Platt.[5] Düt un dat op Platt is een lütt plattdüütsch över allens interessants ut Neddersassen un Wi snackt Platt ut Hamborg. De Sennen warrt eenmal de Week bi NDR utsennt un künnt as Podcasts naluustert weren. Meklenborgsche Programmen op NDR 1 Radio MV sünd de Plappermoehl, de Klönkist, de Reportaag Platdütsch an’n Sünndag un dat Narichtenformat De Woch up Platt in MV.
De nedderlandssche Internettradiosenner Alles Plat sennt Programm kumplett op Platt.[6] Bet 2011 geev dat ook dat twentsche Radioprogramm Aksent op Radio Oost.[7]
Höörspelen
[ännern | Bornkood ännern]Besünners vun 1950 bet in de 1990-er Jaren sünd plattdüütsche Höörspelen in’t Radio geern anhöört worrn. Se hebbt man mit Maatregels to’n Geldsparen un den vundaag ringeren Tohörertallen een good Stück vun eer olen Stand verloren.[8] In’n 1920-er Jaren begünn Hans Böttcher plattdüütsche Theaterstücken un Höörspelen in’t Radio to bringen, wat to’n Enn keem, as de regionalen Senner in’n Natschonaalsotschalismus gliekschalt worrn sünd. Na’n Tweden Weltkrieg senn de Landssenner Swerin eerst regelmatig wat plattdüütschs, bet dat de DDR de regionalen Senner vereent harr. Radio Bremen un de Hamborger Noordwestdüütschen Rundfunk (NWDR) arbeiden na den Weltkrieg wedder an plattdüütschen Höörspelen un hebbt later gemeensam an Stücken arbeidt. 1972 geev de Hamborger Redaktschoon de Höörspelen op, so dat se de plattdüütschen Stücken nu noch alleen in Bremen produzeert.[9]
Weblenken
[ännern | Bornkood ännern]- funklockstoppen.de
- Plattdüütsch Radio- un Podcastanbott bi de NDR
- Narichten op Platt bi NDR 90,3
- Programm op Platt bi Bremen eins
- PLATTform bi Heimatbund Schleswig-Holstein
Footnoten
[ännern | Bornkood ännern]- ↑ Uns Spraak – Politik för Platt. Bunnsraat för Nedderdüütsch & Nedderdüütschsekretariat 2020, S. 12. (online)
- ↑ Startsiet. (Nich mehr online verföögbor.) In: Plattradio. Schleswig-Holsteinischer Heimatbund e.V., archiveert von dat Original am 27. Februar 2024; afropen an’n 5. Dezember 2024 (plattdüütsch).
- ↑ Drei Monate nach Start: Medienrat stoppt Plattradio in Schleswig-Holstein. In: Lübecker Nachrichten. 15. Dezember 2023, afropen an’n 11. Januar 2026.
- ↑ PLATTform – de Oort för Nedderdüütsch in'n SHHB. In: Schleswig-Holsteinischer Heimatbund e.V. 15. Dezember 2025, afropen an’n 26. Dezember 2025 (plattdüütsch).
- ↑ Goltz, Kleene: Niederdeutsch, S. 186.
- ↑ Alles plat. Archiveert von dat Original am 4. November 2024; afropen an’n 4. Februar 2025.
- ↑ Aksent. In: rtvoost.nl. Archiveert von dat Original; afropen an’n 17. April 2008.
- ↑ Zitat-Fehler: Ungülligen Tag <ref>; is keen Text för Refs mit den Naam :11 angeven.
- ↑ Ulf Bichel: Hörspiel, In: NSL, S. 466–486.