Río Naranjo (Guatemala)

Vun Wikipedia
Río Naranjo
Laag San Marcos, Guatemala
Río Naranjo
Laag vun Río Naranjo in Guatemala
Stroomsystem Río Naranjo
Läng 110 km
Born an’n Cumbre de Las Barrancas
Münn twüschen Ocós un Tilapa (op 0 m över de See)
Koordinaten Münn:
Koordinaten:14° 30′ N, 92° 12′ W
14° 30′ N, 92° 12′ W
linke Blangenströöm Río Nahualá, Río Chol, Río Talcicil, Río Negro, Río Mujuliá, Río Masá
rechte Blangenströöm Río Palatzá, Río Las Majadas, Río Chisná, Río Meléndrez

De Río Naranjo is en üm un bi 110 Kilometer langen Stroom in Guatemala, de in’n Pazifik münnt.

De Stroom hett sien Born in dat Departamento San Marcos an de Oostsied von’n Cumbre de Las Barrancas (Deel von de Sierra Madre) op meist 3.000 m över de See. Von dor flütt he as lütten Beek, de ok nich jümmer Water föhrt, na Süüdoosten dör’n Oort San Marcos un an Champollap un Chim langs un wennt sik bilütten na Süüdwesten. Dor nimmt he von links den Río Nahualá op un von rechts den Río Palatzá.

In de Neegd von San Cristóbal Cucho kummt de Río Naranjo an de Grenz na dat Departamento Quetzaltenango (Río Chol, von links), de he nu bet 16 Kilometer vör de Münn billt. Von rechts nimmt he den Río Las Majadas op un von links Río Talcicil, Río Negro un Río Mujuliá.

Bi Coatepeque nimmt he von links den Río Masá op un von rechts den Río Chisná. Twüschen Las Palmas un Pajapita föhrt de CA-2 mit en Brügg över’n Stroom. Hier kummt de Stroom ok ut de Bargen rut un in dat siedere Küstenland. Bi Ciudad Tecún Umán münnt von rechts de Río Meléndrez.

In Pueblo Nuevo verlett de Departamento-Grenz den Stroom un de Río Naranjo billt nu blots noch de Grenz von dat Municipio La Blanca op linke Över un de Municipios Ayutla un Ocós op dat rechte Över. He flütt an La Blanca langs un münnt twüschen Ocós un Tilapa in’n Pazifik. Dichtbi is ok de Münn von Río Pacaya. Bi La Blanca liggt de archäoloogsche Fundsteed von La Blanca un de Fundsteed von Salinas La Blanca.