Präsident vun den Düütschen Bundsdag

Vun Wikipedia

De Präsident vun den Düütschen Bundsdag, ok Bundsdagspräsident nömmt, is de Präsident vun dat Parlament vun de Bundsrepubliek Düütschland. He hett, na den Bundspräsidenten, dat tweet hööchste Amt in den Düütschen Staat. He steiht dor in dat Protokoll noch vör den Bundskanzler, den Präsidenten vun den Bundsraat un den Präsidenten vun dat Bundsverfatengericht mit. Siet dem 24. Oktober 2017 driggt Wolfgang Schäuble vun de CDU düt Amt in siene Hannen.

De hüdige Bundsdagspräsident Wolfgang Schäuble

De Bundsdagspräsident warrt na jede Bundsdagswahl in de eerste Tosamenkumst vun all Afordenten wählt. Bit to de Wahl steiht de Öllerspräsident dat Parlament vör. Normolweg kümmt de Präsident vun den Bundsdag ut de Fraktschoon mit de meisten Afordenten. So is dat al in de Republiek vun Weimar ween. Man na dat Gesett is dat an un for sik nich unbedingt so fastleggt.