Portal:Wikinews/Plattdüütsche Oortsschiller nu ok in Hamborg mööglich

8. Februar 2008: De Hambörger Börgerschop hett nu na ene plattdüütsche Debatt ok den Weg free maakt för plattdüütsche Oortsschiller in Hamborg. Op de Schiller för de enkelten Stadtdelen dröfft nu ok de plattdüütschen Naams mit rop, wenn de Bezirksraat dat besluten deit. Dat Geld mutt aver vun privat kamen, hebbt se inschränkt. Ok an de Stadtgrenzen köönt villicht Schiller opstellt warrn mit „Hamborg seggt Goden Dag“ oder „Hamborg seggt Tschüß“.