Portal:Wikinews/Plattdüütsche Oortsschiller in Lütt Hansdörp

Vun Wikipedia
Zur Navigation springen Zur Suche springen

7. März 2008: Nadem an’n 22. August letzt Johr al Glinn Oortsschiller mit’n plattdüütschen Naam vun’n Oort blangen den hoochdüütschen opstellt harr (In Glinn staht nu de eersten plattdüütschen Oortsschiller), is nu ok Lütt Hansdörp as twete Gemeen in’n Kreis Stormarn de Idee vun’n Sleswig-Holsteenschen Heimatbund folgt. Dat eerste Schild steiht nu an’n Oortsingang an de Straat na Bartheil. De Besluss in’n Gemeenraat vun Jersbeek, to dat Lütt Hansdörp vun de Gemeen her tohöört, weer al in’n September 2007 fullen. Nu hebbt se dat Schild ok opstellt. Annere Öörd in’n Kreis Stormarn schöölt noch folgen.