Portal:Wikinews/Ohnsorg tüht üm

13. Juni 2008: Na över 70 Johren geiht en Ära toenn. Siet 1936 weer dat Ohnsorg-Theater in de Groten Bleken in de Hambörger Binnenstadt tohuus. Nu will dat Theater ümtehn. Vun 2010/2011 af an schall dat Theater in dat Bieberhuus bi’n Hauptbahnhoff spelen. Dat hett Intendant Christian Seeler nu bekannt geven.

Dat ne’e Theater schall modern inricht wesen, mit mehr Plätz, moderne Technik un een extra Studiobühn. Dat Angebot för den Ümtog keem vun’n Vermeder vun dat Ohnsorg-Theater, de alstria office Reit-AG, de mehr as 10 Millionen för den Ümtog utgifft. De Vermeder will dat ole Huus in attraktive Laag in de Binnenstadt geern free hebben un betahlt dorvun den Ümtog. ’Keen in dat ole Huus intehn schall, will de alstria office Reit-AG noch nich seggen. Seeler seggt, dat de Meedverdrag för dat ole Huus 2015 utlöppt. denn harrn se doch keen Schangs mehr hatt, in dat ole Huus to blieven. Dorvun wullen se nu geern dat gode Angebot vun de Firma annehmen.