Portal:Wikinews/Dieter Stellmacher sprickt sik för plattdüütsche Oortsschiller in’n Landkreis Helmstedt ut

14. November 2008: De Baas vun dat Oostfäälsche Institut, Dieter Stellmacher, un de Deuregio Ostfalen hebbt sik nu för plattdüütsche Oortsschiller in’n Landkreis Helmstedt utspraken. As Vörbild nehmt se sik annere europääsche Regionen, in de dat al sülvstverständlich is, dat de lütten Spraken ok op de Oortsschiller opdükert. Ok in Plattdüütschland gifft dat al Öörd, de tweesprakige Oortsschiller hebbt, to’n Bispeel in Oostfreesland, Holsteen un in de Region twischen Elv un Werser. Dat geiht dor üm, de Spraak wedder in dat Bewusstsien vun de Minschen to rücken un dat Verbunnenheit mit de egene Heimat un Region wiest warrt.

To’n Wiederlesen: List vun plattdüütsche Naams vun de Öörd in’n Landkreis Helmstidde